Ekuseni ngoDisemba 18, kuqubuke umlilo edolobheni laseManaus, eBrazil, ocekele phansi imizi engaphezu kwengu-600. Nakuba ingekho imibiko yabantu abashonile, kulimale abane kwathi abangaphezu kuka-2 000 basala bengenayo indawo yokuhlala.

Igatsha laseBrazil libika ukuthi abekho abafowethu nodadewethu abashonile noma abalimalile kulo mlilo. Nokho, kucekeleke phansi imizi yabafowethu eyishumi okushiye oFakazi abangu-18 nezihlobo zabo bengenayo indawo yokuhlala. Igatsha lihlele ukuba iKomiti Yokunikeza Usizo inakekele izidingo zabafowethu abathintekile.

Siyaqiniseka ukuthi abafowethu baseBrazil abathintekile bazoqhubeka bethembele kuJehova, ‘oyindawo ephakeme nelondekile ngezikhathi zokucindezeleka.’—IHubo 9:9, 10.