NOVEMBER 4, 2014
EGREECE
Eziphathelene Nomhlangano WeZizwe: OFakazi BakaJehova Babamba Umhlangano Enkundleni Yama-Olympic EGreece
USamuel Herd (ngakwesokudla), oyilungu leNdikimba Ebusayo yoFakazi BakaJehova, waphetha usuku ngalunye ngenkulumo yeBhayibheli eyayihunyushelwa olimini lwesiGreki.
Kulo mhlangano kwaba khona nobhapathizo ngoMgqibelo, ngo-June 28; kwabhapathizwa abangu-305 eGreece nabangu-32 eCyprus, okwenza ingqikithi yabantu abangu-337.
E-ATHENS, eGreece—NgoJune 27-29, 2014, oFakazi BakaJehova baba noMhlangano WeZizwe onesihloko esithi “Qhubekani Nifuna Kuqala Umbuso KaNkulunkulu!” eNkundleni Yemidlalo yama-Olympic e-Athens, lapho kwadlalela khona imidlalo yama-Olympic yango-2004. Kwahlangana abafundi beBhayibheli abangu-35 863 kuleyo nkundla. Ezinye izingxenye zalowo mhlangano zalalelwa abanye abantu abangu-3 093 ababexhunywe nge-video eBelgium naseCyprus, okwenza ukuba ababekhona bagcine sebefinyelele ku-38 956.
Ababekhona kulo mhlangano bahlanganisa izihambeli ezazivela eCroatia, eHungary, eKorea, eRomania, eNingizimu Afrika, eTurkey nase-United States. UChristina Michail, oyimenenja yenkundla yemidlalo yama-Olympic, wathi: “Kube yintokozo enkulu ukubona abantu abavela ezinhlangeni eziningi kangaka nasemazweni ahlukahlukene, bonke behleli ndawonye, bethatha izithombe ndawonye; futhi ngiwuthandile umoya wabo wothando . . . Lokhu kuyaphawuleka ngempela. Asivamile ukubona into enje kule nkundla. Ngokuvamile siba nabathandi bezemidlalo nabalandeli bamaqembu, futhi indlela abaziphatha ngayo ihluke kakhulu; yingakho kusihlaba umxhwele futhi sikujabulela ukubukela lokhu esikubonayo.”
Ababeze kulo mhlangano owawuseNkundleni Yemidlalo Yama-Olympic e-Athens.
URobert Kern, okhulumela ihhovisi legatsha loFakazi BakaJehova eGreece, wanezela: “Sithole intilibathwa yezincwadi ebezinamazwi okubonga ngesimiso somhlangano nangethuba lokuhlangana nabazalwane bethu abasemhlabeni wonke. Kwaba injabulo enkulu ukuba kanye nabakhulekeli esikanye nabo abavela kwamanye amazwe kulesi senzakalo esingasoze salibaleka.”
Abameleli Bezindaba:
Emhlabeni jikelele: UJ. R. Brown, Office of Public Information, ucingo: +1 718 560 5000
EGreece: UBabis Andreopoulos, ucingo: +30 210 617 8606
Okunye Ongase Ukuthande
EZISANDA KUKHISHWA
OFakazi BakaJehova Bamemezela Imihlangano Yezizwe Ezoba Khona
Kusukela ngo-June 2014 kuya ku-January 2015, oFakazi BakaJehova bazoqhuba imihlangano yezizwe yezinsuku ezintathu emazweni angu-9.
EZISANDA KUKHISHWA
Imihlangano Yezizwe YoFakazi BakaJehova Iyaqala
Umhlangano wokuqala kweyezizwe yango-2014/2015 yoFakazi BakaJehova uqala ngoLwesihlanu ekuseni, ngo-June 6, 2014, eFord Field eDetroit, eMichigan, e-USA. Izinkulumo zizonikezwa kanyekanye nge-video nakwezinye izindawo zomhlangano e-United States.
EZISANDA KUKHISHWA
Umbiko Womhlangano Wezizwe: OFakazi Baba Nemihlangano Eyingqopha-mlando Enkundleni YaseMetLife
Amashumi ezinkulungwane agcwele phama enkundleni yaseMetLife e-East Rutherford, eNJ, e-USA, abuthanele uMhlangano Wezizwe onesihloko esithi ‘Qhubekani Nifuna Kuqala UMbuso!’ ngo-June 20-22 nango-June 27-29, ngo-2014.
EZISANDA KUKHISHWA
Eziphathelene Nomhlangano Wezizwe: OFakazi Bakhulula IBhayibheli Enkundleni Okwakudlalelwa Kuyo Indebe Yomhlaba ESeoul
OFakazi BakaJehova bakhulula INguqulo Yezwe Elisha YemiBhalo Engcwele ngolimi lwesiKorea eMhlanganweni Wezizwe owawunesihloko esithi “Qhubekani Nifuna Kuqala UMbuso KaNkulunkulu!”
MAYELANA NATHI
Yiba khona eMhlanganweni Wesifunda ka-2024, othi—“Shumayela Izindaba Ezinhle!”
Sikumema ngomusa ukuba ube khona emhlanganweni wesifunda wezinsuku ezintathu woFakazi BakaJehova.
IMIHLANGANO EMIKHULU
Isiqeshana Se-video: Umbiko WoMhlangano Wezizwe
OFakazi BakaJehova baqhuba imihlangano ekhethekile emadolobheni athile emhlabeni wonke. Zizwele ukuthi kungani abaningi bekujabulela ukuya kuyo.