Esifundazweni saseTamaulipas nesaseNuevo León, eMexico

• Isiphepho esinamandla uHanna, kamuva esabizwa ngokuthi isiphepho esingesibi kakhulu uma siqhathaniswa nezinye, sahlasela inyakatho-mpumalanga yeMexico ngoJulayi 26, 2020, sabangela izikhukhula ezindaweni eziningi

• Esifundazweni saseNuevo León, imindeni engu-14 kwadingeka ikhishwe emakhaya iyokhoseliswa endaweni ephephile

• Edolobheni laseReynosa, esifundazweni saseTamaulipas, abamemezeli abangu-100 kwadingeka bashiye amakhaya abo bayokhosela endaweni ephephile

• Kwalimala imizi engu-21 esifundazweni saseNuevo León

• Kwalimala imizi engu-117 esifundazweni saseTamaulipas

• Igatsha laseCentral America lamisa iKomiti Yokusiza Ezinhlekeleleni

• Ababonisi bezigodi nabadala bamabandla ezindaweni ezithintekile benza yonke imizamo edingekayo ukuze kuhlanzwe imizi, kubulawe namagciwane emizini eyayingenwe yizikhukhula

• Esifundazweni saseNuevo León, iningi labafowethu nodadewethu ababeshiye amakhaya bahamba bayokhosela selikwazile ukubuyela emakhaya

• Esifundazweni saseTamaulipas, amabandla endawo alungisela labo abathintekile ukudla nezingubo zokugqoka

Sibonga uJehova ngokuthi akekho olimalile kubafowethu nodadewethu kule nhlekelele. Imizamo yokunikeza usizo eseyenziwe kakade ibonisa ukuthi uBaba wethu wasezulwini nabantu bakhe bahlale ‘bewusizo olutholakala ngokushesha ngezikhathi zokucindezeleka.’—IHubo 46:1.