JUNI 10, 2022
EMEXICO
Kukhululwe INguqulo Yezwe Elisha YemiBhalo YamaKristu YesiGreki NgesiNahuatl (SaseNyakatho Puebla)
NgoJuni 5, 2022, uMfoweth’ u-Edward Bunn, oyilungu leKomiti Yegatsha YaseCentral America ukhulule INguqulo Yezwe Elisha YemiBhalo YamaKristu YesiGreki ngesiNahuatl (saseNyakatho Puebla), ikhululwe ngohlelo lwezobuchwepheshe nangohlelo olunyathelisiwe. Uhlelo oluqoshiwe lwalubukelwe abantu abangaphezu kuka-1 500.
Iningi labantu abakhuluma isiNahuatl (saseNyakatho Puebla) lihlala ezifundeni zaseMexico ePuebla naseVeracruz. Ibandla lokuqala lesiNahuatl (saseNyakatho Puebla) lamiswa ngo-2002. Abamemezeli ensimini bebelokhu besebenzisa iBhayibheli lesiNahuatl (saseNyakatho Puebla) elifaka isiqu esithi Nkosi nesithi Nkulunkulu esikhundleni segama likaJehova.
Phakathi nenkulumo yakhe, uMfoweth’ uBunn wathi: “Sinikhuthaza ukuba niyifunde ngokushesha le nguqulo yemiBhalo YamaKristu YesiGreki. Ningaqiniseka ngokuthi iwudlulisela ngokunembile umyalezo kaNkulunkulu ngolimi lwenu.”
Siyaqiniseka ngokuthi le nguqulo izoqinisa futhi isize abafowethu nodadewethu abakhuluma isiNahuatl (saseNyakatho Puebla) ukuba bakwazi ukuxoxela abantu izindaba ezinhle zoMbuso kaNkulunkulu.—Marku 13:10.
Okunye Ongase Ukuthande
IMIBUZO EVAME UKUBUZWA
Ingabe OFakazi BakaJehova BaneBhayibheli Labo?
Ukusebenzisa izinguqulo ezihlukahlukene zeBhayibheli kungathuthukisa ukutadisha kwakho iBhayibheli. Kunamaphuzu amathathu ngokukhethekile enza INguqulo Yezwe Elisha YemiBhalo Engcwele ikufanelekela ukuba uyisebenzise lapho utadisha.
INDLELA IMINIKELO YENU ESETSHENZISWA NGAYO
Ukukhiqiza Incwadi Ebaluleke Kunazo Zonke
Ukuhumusha, ukunyathelisa nokuhlanganisa iNguqulo Yezwe Elisha kuwumsebenzi omkhulu kunalokho okungenzeka ubukucabanga.
IMIBUZO EVAME UKUBUZWA
Ingabe OFakazi BakaJehova Bayakholelwa ETestamenteni Elidala?
Ingabe izingxenye ezithile zeBhayibheli ziphelelwe isikhathi? Thola indlela amaKristu angazuza ngayo emlandweni obalulekile naseselulekweni esiwusizo esisemiBhalweni YesiHebheru.