JUNI 24, 2022
EMOZAMBIQUE
Kukhululwe ImiBhalo YamaKristu YesiGreki NgesiLomwe
NgoJuni 19, 2022, uMfoweth’ uPatrick Hecker, oyilungu leKomiti Yegatsha YaseMozambique, ukhulule INguqulo Yezwe Elisha YemiBhalo YamaKristu YesiGreki ngesiLomwe. IBhayibheli likhululwe ngohlelo lwezobuchwepheshe ohlelweni obeluqoshiwe. Iningi labamemezeli abasemabandleni esiLomwe libukele lolu hlelo emaHholo OMbuso, wonke ummemezeli obekhona uthole ikhophi yeBhayibheli enyathelisiwe.
AmaBhayibheli esiLomwe abelokhu etholakala kusukela ngo-1930, kodwa ayabiza futhi asebenzisa ulimi lwakudala. Enye inkinga ngawo ukuthi awanembile. Ngokwesibonelo, ezinguqulweni ezikhona, uLuka 23:43 uhunyushwe kanje: “Empeleni, ngiyakutshela namuhla, uzoba nami ezulwini.” INguqulo Yezwe Elisha isho ngokunembile ukuthi: “Ngiyakuqinisekisa namuhla, uyokuba nami ePharadesi.”
Abamemezeli baseBandleni laseMugeba baphethe amaBhayibheli abo
Ekhuluma ngaleli Bhayibheli elisha, omunye umhumushi wathi: “INguqulo Yezwe Elisha YemiBhalo YamaKristu YesiGreki ngesiLomwe icacile futhi kulula ukuyifunda. Angingabazi ukuthi abafowethu bazoyiqonda kalula incazelo yemibhalo, lokhu kuzobakhuthaza ukuba bakwenze abakufundayo.”
Siyaqiniseka ngokuthi le nguqulo izosiza abafowethu nodadewethu baqhubeke bezondla ngokomoya, basize nalabo ababathola enkonzweni yasensimini.—Mathewu 5:3.
Okunye Ongase Ukuthande
IMIBUZO EVAME UKUBUZWA
Ingabe OFakazi BakaJehova BaneBhayibheli Labo?
Ukusebenzisa izinguqulo ezihlukahlukene zeBhayibheli kungathuthukisa ukutadisha kwakho iBhayibheli. Kunamaphuzu amathathu ngokukhethekile enza INguqulo Yezwe Elisha YemiBhalo Engcwele ikufanelekela ukuba uyisebenzise lapho utadisha.
INDLELA IMINIKELO YENU ESETSHENZISWA NGAYO
Ukukhiqiza Incwadi Ebaluleke Kunazo Zonke
Ukuhumusha, ukunyathelisa nokuhlanganisa iNguqulo Yezwe Elisha kuwumsebenzi omkhulu kunalokho okungenzeka ubukucabanga.
IMIBUZO EVAME UKUBUZWA
Ingabe OFakazi BakaJehova Bayakholelwa ETestamenteni Elidala?
Ingabe izingxenye ezithile zeBhayibheli ziphelelwe isikhathi? Thola indlela amaKristu angazuza ngayo emlandweni obalulekile naseselulekweni esiwusizo esisemiBhalweni YesiHebheru.