INingizimu yeLuzon naseziqhingini ezakhelene nayo

• Ngo-Okthoba 25, 2020, iSiphepho uMolave, esaziwa ngokuthi yiQuinta ePhilippines, sahlasela isifundazwe sase-Albay eBicol eLuzon, ePhilippines. Lesi siphepho esinamandla sabe sesidlulela esiqhingini saseLuzon

• NgoNovemba 1, 2020, iSiphepho Esinamandla uGoni, esaziwa nangokuthi uRolly ePhilippines, sahlasela eCatanduanes, okungesinye seziqhingi eziseBicol endaweni yaseLuzon. Lesi siphepho esiseSigabeni 5 sadlulela phambili sacekela phansi ezinye izifundazwe, ezinye zazo ezase zicekelwe phansi iSiphepho uMolave

• Lezi ziphepho ezimbili zaletha imvula enkulu nemimoya enamandla okwabangela izikhukhula ezinkulu, ukunqamuka kukagesi ezindaweni eziningi nokuntuleka kwamanzi. Kusenzima kakhulu namanje ukuxhumana nabantu abahlala ezindaweni ezathinteka

• Imvula enamandla yabangela nokugeleza kodaka olushisayo lwentaba-mlilo olusuka eNtabeni iMayon olwagqiba imizi eminingi eyakhelene nale ntaba

• Abamemezeli ababalelwa emakhulwini balahlekelwa izindawo zokuhlala noma kwadingeka bathuthe babalekele endaweni ephephile

• Udadewethu oneminyaka engu-89 wathola imihuzuko ngesikhathi ephuma ekhaya eya endaweni yokukhosela, umuzi wakhe wacekeleka phansi ngokuphelele

• Imizi engu-134 namaHholo OMbuso angu-28 kwalimala kancane

• Imizi engu-75 namaHholo OMbuso angu-18 kwalimala kakhulu

• Imizi engu-101 neHholo LoMbuso elilodwa kwacekeleka phansi ngokuphelele

• Ababonisi bezigodi nabadala bamabandla endawo basebenzisana namaKomiti Okusiza Ezinhlekeleleni ayisithupha ukuze kuqinisekwe ukuthi abafowethu banokudla okwanele, amanzi, indawo yokuhlala nolunye usizo oludingekayo. Abafowethu bayigcina ngokuzimisela imithetho yezokuphepha ye-COVID-19 njengoba benikeza usizo nenduduzo

Sizoqhubeka nokubathandazela abafowethu abakhahlanyezwe yilezi zinhlekelele zemvelo. Phakathi nalesi sikhathi esinzima, siyazi ukuthi uJehova uzoqhubeka ‘enguYise wesihe noNkulunkulu wenduduzo yonke’ kubafowethu nodadewethu.—2 Korinte 1:3.