INkantolo YeDolobha laseVologodskiy eSifundeni SaseVologda maduze izomemezela isinqumo ecaleni likaMfoweth’ uYuriy Baranov noNikolay Stepanov. Umshushisi ubengakasho ukuthi ufuna bagwetshwe isigwebo esingakanani.

1. NgoDisemba 19, 2019

   Onogada bagasela emizini eyisithupha yoFakazi BakaJehova eVologda. UYuriy noNikolay baboshwa base bevalelwa endaweni ababezogcinwa kuyo okwesikhashana

2. NgoDisemba 20, 2019

   UYuriy wakhululwa wayeseboshelwa endlini

3. NgoDisemba 23, 2019

   UNikolay wavalelwa endaweni okugcinwa kuyo abangakaquliswa amacala

4. NgoMashi 16, 2020

   UYuriy wakhululwa njengoba ayeboshelwe endlini kodwa wabekelwa imingcele ethile eyenza wangakwazi ukuxhumana nabantu abahilelekile ecaleni lakhe nemingcele yokusebenzisa ifoni ne-inthanethi

5. NgoMeyi 19, 2020

   Imingcele eyayibekelwe uYuriy yasuswa

6. Ngo-Agasti 13, 2020

   UNikolay wakhululwa endaweni okugcinwa kuyo abangakaquliswa amacala wayeseboshelwa endlini

7. NgoSepthemba 25, 2020

   UNikolay owayeboshelwe endlini wakhululwa

8. NgoMashi 7, 2022

   Kwaqalwa ukuthethwa kwecala

Kuqinisa ukholo ukubona abafowethu beqhubeka bethembeka nakuba beshushiswa.—1 Thesalonika 3:7.