NgoSepthemba 25, 2020, iNkantolo Yesifunda YaseYelizovsky eSifundazweni saseKamchatka yagweba uMfoweth’ uKonstantin Bazhenov, umkakhe, uSnezhana noDadewethu uVera Zolotova. Ekuqaleni umshushisi wayefuna ukuba uMfowethu noDadewethu uBazhenov bahlawuliswe ama-ruble angu-600 000 ($7,850 U.S.) bese kuthi uDadewethu uZolotova ahlawuliswe ama-ruble angu-400 000 ($5,195 U.S.). Nokho, inkantolo ibanike isigwebo seminyaka emibili elengisiwe bese kuba yizinyanga eziyisithuba bebekelwe imingcele ethile. UMfowethu noDadeweth’ uBazhenov kanye noDadewethu uZolotova bayajabula ngokuthi ngeke bavalelwe ejele noma bakhokhe inhlawulo.