SEPTHEMBA 29, 2020
ERUSSIA
Ijaji Liphindisela Icala LikaDade Yelena Barmakina Kumshushisi Ngenxa Yokuthi Abukho Ubufakazi
NgoSepthemba 29, 2020, iNkantolo Yesifunda YasePervorechenskiy eVladivostok ayizange isikhiphe isinqumo ecaleni likaDade Yelena Barmakina. Kunalokho, inkantolo yaphindisela icala ehhovisi lomshushisi. Ijaji lachaza ukuthi icala lalingenabo ubufakazi obanele obusekela ukuthi uDade Barmakina wayenza imisebenzi yenkolo eyeqisayo. Umshushisi angafaka isikhalo sokuphikisa lesi sinqumo. Ngale kwalokho, icala limisiwe kuze kube yilapho ihhovisi lomshushisi liletha ubufakazi obuphathekayo obungenza kufaneleke ukuqhubeka nalo.