Ngo-Julayi 11, 2020, ijele laseLgov labuyisela uMfoweth’ uDennis Christensen engxenyeni yejele yazo zonke iziboshwa. Wakhishwa endaweni yokujezisa iziboshwa ekhethekile, lapho achitha khona izinsuku ezingu-15 ezedlule. Njengoba kwakubikiwe esikhathini esidlule, wayejeziselwa amacala amanga. Njengamanje usekanye nezinye iziboshwa. Uyaqhubeka ejabula naphezu kwalesi simo. Abameli bakaMfoweth’ uChristensen baphezu kwezinhlelo zokuwaphikisa amacala amuva abekwe wona, ngethemba lokuthi ngeke asiphazamise isicelo sakhe sokuba asheshe akhululwe ejele.