APRIL 8, 2022
ERUSSIA
Ubaba Osejele Unakekela Izidingo Ezingokomoya Zomndeni Wakhe
Maduze iNkantolo Yesifunda YaseSovetskiy eKazan izomemezela isinqumo sayo ecaleni loMfoweth’ uKonstantin Sannikov. Umshushisi usazofaka isicelo sesigwebo acabanga ukuthi kufanele umfowethu anikwe sona.
Izikhathi Zezenzakalo
Ngo-Agasti 25, 2020
Kwavulwa icala ngemva kokuba abaseshi befake izinto zokulalela ekhaya likaKonstantin engaboni. Iziphathimandla zibheka ukuvumela ukuba kube nezingxoxo zeBhayibheli emzini wakhe njengokuhlela imisebenzi yeqembu eleqisayo
Ngo-Agasti 27, 2020
Waboshwa, washeshe wafakwa egumbili lalabo abalinde ukuqulwa kwecala
NgoMeyi 26, 2021
Inkantolo yenqaba ukuba umkakhe amvakashele futhi iyaqhubeka imenqabela
Ngo-Agasti 20, 2021
Kwaqala ukuqulwa kwecala
Imininingwane
Ukuthi uKonstantin uyaqhubeka enakekela umndeni wakhe ngokomoya nalapho esejele kwenza siqiniseke ngokuthi uJehova akasoze ahluleka ‘ukondla amalungu omndeni wakhe.’—1 Thimothewu 5:8.
a Ngenxa yokuthi uMfoweth’ uSannikov usaboshiwe, asikwazanga ukumthola ukuba naye aphawule.