Maduzane, iNkantolo YeSifunda YaseBabushkinskiy eMoscow izokhipha isinqumo ecaleni elihilela uMfowethu’ u-Ivan Chaykovskiy, uYuriy Chernyshev, uVitaliy Komarov, uSergey Shatalov noVardan Zakaryan. Umshushisi ubengakasho ukuthi ufuna bagwetshwe isigwebo esingakanani.

1. NgoNovemba 24, 2020

   Amaphoyisa aseRussia asesha imizi engaba ngu-20 yoFakazi BakaJehova eMoscow. Abopha u-Ivan, uYuriy, uVitaliy noSergey abavalela endaweni ababezogcinwa kuyo okwesikhashana bebodwa. Abezindaba babeqopha njengoba uYuriy nomndeni wakhe bephenywa ngemibuzo. Ividiyo yokwenzeka yavezwa ezindabeni esiteshini sethelevishini saseRussia

2. NgoNovemba 26, 2020

   USergey wakhululwa endaweni ayegcinwe kuyo okwesikhashana wayeseboshelwa ekhaya. UVardan, owayelaliswe esibhedlela ngenxa yokuthi walimala ngesikhathi amaphoyisa esesha, wathathwa wayiswa endaweni ayezogcinwa kuyo okwesikhashana eyedwa

3. NgoNovemba 27, 2020

   Inkantolo yakhulula u-Ivan, uYuriy, noVitaliy endaweni ababegcinwe kuyo okwesikhashana, yanquma ukuthi baboshelwe ekhaya

4. NgoNovemba 30, 2020

   Amaphoyisa amkhulula uVardan endaweni eyegcinwe kuyo okwesikhashana anquma ukuthi aboshelwe ekhaya, ngemva kwalokho wafaka isimangalo kumshushisi sokuthi amaphoyisa ayemshayile

5. NgoFebhuwari 16, 2022

   Kwaqalwa ukuthethwa kwecala

Kuyasikhuthaza ukubona indlela uJehova asondelana ngayo nabafowethu abathandekayo nemindeni yabo ngenxa yokuthi nabo bayaqhubeka bezama ukusondelana naye.—Jakobe 4:8