AUGUST 4, 2015
ERUSSIA
INkantolo Ephakeme YaseRussia Izolalela Icala Lokuvalwa Kwe-LRO Yase-Abinsk
Ngo-August 5, 2015, iNkantolo Ephakeme YaseRussia izolalela amacala adluliselwe kuyo mayelana nenhlangano engokwenkolo (LRO) yoFakazi BakaJehova e-Abinsk. Ngasekuqaleni kwalo nyaka, iziphathi-mandla zasedolobheni lase-Abinsk zisebenzise amacebo afana nalawo asetshenziswa eTaganrog naseSamara, zavala inhlangano engokomthetho yoFakazi BakaJehova.
Ivalwe Ngesizathu Esingekho
Ibandla loFakazi BakaJehova e-Abinsk linamalungu angaba yikhulu, amanye awo akhulile ngeminyaka. I-LRO yase-Abinsk yabhaliswa ngo-November 1999 futhi iyinhlangano engokomthetho engumnikazi weHholo LoMbuso oFakazi BakaJehova ababuthanela kulo ukuze bakhulekele.
Ngo-December 2012 nango-October 2013, iziphathi-mandla zamangalela oFakazi BakaJehova ababili e-Abinsk ngokwephula umthetho ngemva kokuba besakaze izincwadi okuthiwe ziyingozi. Bobabili lab’ oFakazi babengamalungu ebandla lendawo, kodwa akekho kubo oyilungu le-LRO yase-Abinsk. Umshushisi walishalazela leli qiniso futhi wasebenzisa ukumangalelwa kwala madoda ngamacala angenasisekelo njengebhaxa lokuvala i-LRO.
Ngokusekelwe kulo mbono onganembile, ngo-March 4, 2015, iNkantolo Yesifunda YaseKrasnodar yakhipha isinqumo “sokuba iNhlangano Engokwenkolo yoFakazi BakaJehova yaseDolobheni lase-Abinsk . . . ibhekwe njengeyingozi, ivalwe futhi ikhishwe oHlwini Lukahulumeni Lwezinhlangano Ezisemthethweni.” Inkantolo ibuye yathi iHholo LoMbuso lase-Abinsk kufanele kube elikahulumeni. Uma iNkantolo Ephakeme ihambisana naleso sinqumo, oFakazi base-Abinsk bazolahlekelwa yindlu yabo yokukhulekela.
Izindlela Zobuqili Ezifanayo
Ngokusebenzisa kabi uMthetho Wokulwa Nemisebenzi Eyingozi, iziphathimandla zase-Abinsk zisebenzise izindlela ezifanayo nalezo ezisetshenziswe izikhulu zikahulumeni ukuze kuvalwe ama-LRO oFakazi edolobheni laseTaganrog nelaseSamara. Njengase-Abinsk, amacala okwenza umsebenzi oyingozi ayengenasisekelo. OFakazi BakaJehova eTaganrog naseSamara bayazilwela enkantolo kula macala angamanga ababekwa wona. Sebedlulisele amacala eNkantolo YaseYurophu Yamalungelo Abantu ngenxa yokungahlonishwa kwenkululeko yabo engokwenkolo.
OFakazi BakaJehova E-Abinsk Bayabekezela
Umphakathi omncane woFakazi BakaJehova e-Abinsk uzoqhubeka nemisebenzi yawo yenkolo, njengawo wonke amakholwa okanye nawo emhlabeni wonke. Nokho, oFakazi BakaJehova bethemba ukuthi iNkantolo Ephakeme YaseRussia izokubona ukungabi nabulungisa benkantolo encane futhi ivumele oFakazi e-Abinsk ukuba baqhubeke behlangana ngokuthula endaweni yabo yokukhulekela.
Okunye Ongase Ukuthande
EZISANDA KUKHISHWA
UMnyango Wezobulungisa Ubhalisa OFakazi BakaJehova EMoscow
EZISANDA KUKHISHWA
INkantolo YaseYurophu Yamalungelo Abantu Ivikela Ilungelo LoFakazi BakaJehova BaseRussia Lokuhlangana Ukuze Bakhulekele
I-ECHR iphinde yabeka iRussia icala lokuthi yephula amalungelo oFakazi BakaJehova, kuhlanganise nelungelo labo lokukhulekela ngaphandle kwesiphazamiso.
EZISANDA KUKHISHWA
INkantolo YaseTaganrog Ibeka OFakazi BakaJehova Icala Ngenxa Yemisebenzi Yabo Yenkolo
Lokhu kubekwa icala kuzoyibeka engozini inkululeko engokwenkolo yoFakazi BakaJehova abangu-160 000 eRussia.
EZISANDA KUKHISHWA
INkantolo Ephakeme YaseRussia Ivale Inhlangano Engokomthetho YoFakazi ESamara—Yini Ezolandela?
Isinqumo seNkantolo Ephakeme sibeka engcupheni inkululeko yoFakazi BakaJehova abangaba ngu-180 000 eRussia. Iziphathimandla zingase zisebenzise lesi sinqumo ukuze zishushise oFakazi.
EZISANDA KUKHISHWA
OFakazi BakaJehova Baquliswa Icala ETaganrog
Inkululeko engokwenkolo eRussia isengozini. Lalela lokho okushiwo abanye boFakazi abamangalelwe abangu-16 nabameli babo.