DECEMBER 12, 2014
ESOUTH KOREA
Eziphathelene Nomhlangano Wezizwe: OFakazi Bakhulula IBhayibheli Enkundleni Okwakudlalelwa Kuyo Indebe Yomhlaba ESeoul
UDavid Splane, ilungu leNdikimba Ebusayo, ekhulula INguqulo Yezwe Elisha YemiBhalo Engcwele ngolimi lwesiKorea.
ESEOUL—OFakazi BakaJehova bakhulula INguqulo Yezwe Elisha YemiBhalo Engcwele ngolimi lwesiKorea eMhlanganweni Wezizwe owawunesihloko esithi “Funani Kuqala UMbuso KaNkulunkulu!” eSeoul, eKorea. Lo mhlangano waqhutshelwa e-Seoul World Cup Stadium ngo-September 6-8, 2014. Bonke abangu-56 867 ababekhona bathola amaBhayibheli mahhala, aphinde atholwa abangu-59 091 ababexhunywe ngezobuchwepheshe ezindaweni eziqhelile okuyiBusan, iDaejeon, iGwangju, iJeju, iSuwon neYeosu. Omunye owayekhona, uJoon-yeong Choi, wathi: “Into eyaba ingqophamlando kulo mhlangano ukukhululwa kwe-Nguqulo Yezwe Elisha ebukeziwe.”
Abangaphezu kuka-56 000 ababekhona enkundleni bethamele imfundo esekelwe eBhayibhelini.
OFakazi abavela eCanada, eFinland, ePhilippines, ePoland nase-United States bahamba ukuze baye kulo mhlangano eSeoul. UDae-il Hong, okhulumela oFakazi BakaJehova eKorea, wathi: “Sasebenza ngokuzikhandla silungiselela lolu hlelo lwemfundo oluvusa amadlingozi, futhi lo mhlangano waba ngaphezu kwalokho esasikulindele. Kwaba yilungelo ukwamukela izivakashi kulesi senzakalo esikhethekile.”
Izakhiwo zobuciko ezingamaBhayibheli zihlobise inkundla.
Izethameli zalo mhlangano e-Seoul World Cup Stadium zahlabeka umxhwele lapho kuvulwa izakhiwo zobuciko eziqoshiwe ezingamaBhayibheli amakhulu amathathu futhi kutholakala ukuthi zingamachibi okubhapathiza. Inani labantu abangu-630 labhapathizwa e-Seoul nabanye abangu-596 ezindaweni ezazixhunywe ngezobuchwepheshe, okwenza kwagcina sekubhapathizwe abangu-1 226.
Izakhiwo zobuciko ezingamaBhayibheli ezasetshenziswa njengamachibi okubhapathiza.
Abameleli Bezindaba:
Emhlabeni jikelele: UJ. R. Brown, Office of Public Information, ucingo: +1 718 560 5000
ERepublic of Korea: UDae-il Hong, ucingo: +82 31 690 0033
Okunye Ongase Ukuthande
EZISANDA KUKHISHWA
OFakazi BakaJehova Bamemezela Imihlangano Yezizwe Ezoba Khona
Kusukela ngo-June 2014 kuya ku-January 2015, oFakazi BakaJehova bazoqhuba imihlangano yezizwe yezinsuku ezintathu emazweni angu-9.
EZISANDA KUKHISHWA
Imihlangano Yezizwe YoFakazi BakaJehova Iyaqala
Umhlangano wokuqala kweyezizwe yango-2014/2015 yoFakazi BakaJehova uqala ngoLwesihlanu ekuseni, ngo-June 6, 2014, eFord Field eDetroit, eMichigan, e-USA. Izinkulumo zizonikezwa kanyekanye nge-video nakwezinye izindawo zomhlangano e-United States.
EZISANDA KUKHISHWA
Umbiko Womhlangano Wezizwe: OFakazi Baba Nemihlangano Eyingqopha-mlando Enkundleni YaseMetLife
Amashumi ezinkulungwane agcwele phama enkundleni yaseMetLife e-East Rutherford, eNJ, e-USA, abuthanele uMhlangano Wezizwe onesihloko esithi ‘Qhubekani Nifuna Kuqala UMbuso!’ ngo-June 20-22 nango-June 27-29, ngo-2014.
EZISANDA KUKHISHWA
Eziphathelene Nomhlangano WeZizwe: OFakazi BakaJehova Babamba Umhlangano Enkundleni Yama-Olympic EGreece
Umhlangano WeZizwe onesihloko esithi “Funani Kuqala UMbuso KaNkulunkulu!” wawuseNkundleni Yemidlalo Yama-Olympic e-Athens, lapho kwakudlalela khona imiDlalo yama-Olympic ngo-2004.
MAYELANA NATHI
Yiba khona eMhlanganweni Wesifunda ka-2024, othi—“Shumayela Izindaba Ezinhle!”
Sikumema ngomusa ukuba ube khona emhlanganweni wesifunda wezinsuku ezintathu woFakazi BakaJehova.
IMIHLANGANO EMIKHULU
Isiqeshana Se-video: Umbiko WoMhlangano Wezizwe
OFakazi BakaJehova baqhuba imihlangano ekhethekile emadolobheni athile emhlabeni wonke. Zizwele ukuthi kungani abaningi bekujabulela ukuya kuyo.