JUNE 4, 2014
IZINDABA ZOMHLABA WONKE
Imihlangano Yezizwe YoFakazi Iyaqala
ENEW YORK—Umhlangano wezizwe wezinsuku ezintathu woFakazi BakaJehova onesihloko esithi “Qhubekani Nifuna Kuqala UMbuso KaNkulunkulu!” uzoqala ngoLwesihlanu ekuseni, ngo-June 6, 2014, eFord Field eDetroit, eMichigan, e-USA. Izingxenye zalesi simiso zizosakazwa nakwezinye izindawo e-Arizona, eCalifornia, eFlorida, e-Illinois, eMissouri, eNew Jersey naseNorth Carolina futhi zizohunyushwa ngesi-Albania, isiKorea, isiPholishi nangesiPutukezi.
UJ. R. Brown, ongumkhulumeli woFakazi BakaJehova endlunkulu yabo eBrooklyn, eNew York, uthi: “Phakathi namasonto amathathu adlule, oFakazi eDetroit nasemadolobheni okuzobe kusakazwa kuwo isimiso nge-video bebelokhu bemema omakhelwane ukuba beze kulo mhlangano obalulekile. EDetroit silindele izindimbane zabantu bezizinda ezihlukahlukene abangaba ngu-45 000, kuhlanganise nezihambeli zakwamanye amazwe ezingaphezu kuka-2 000 ezivela e-Australia, eCanada, eJalimane naseTaiwan.”
Phakathi nesikhathi sasehlobo, oFakazi e-United States bazoba nemihlangano yezizwe engu-16 ezinkundleni ezinkulu ezifundazweni eziyishumi. Ezindaweni ezithile isimiso siyonikezwa ngesi-Albania, isi-Arabhu, isi-Armenia, isiCanton, isiChuuk, isiCreole saseHaiti, isiFulentshi, isiGreki, isiHindi, isi-Iloko, isi-Indonesia, isiJapane, isiKorea, uLimi Lwezandla LwaseMelika, isiMandarin, isiMarshall, isiNtaliyane, isiPersia, isiPholishi, isiRomania, isiRashiya, isiSamoa, iSpanishi, isiTagalog, isiTwi nesiVietnam. Kusukela ngo-June 2014 kuya ku-2015, oFakazi bazoba nemihlangano yezizwe e-Australia, e-Ecuador, eGreece, eJalimane, eMexico, eNgilandi, eNingizimu Korea naseZimbabwe.
Media Contact(s):
International: J. R. Brown, Office of Public Information, tel. +1 718 560 5000