FEBRUARY 25, 2016
IZINDABA ZOMHLABA WONKE
OFakazi BakaJehova Emhlabeni Wonke Bamemela Abantu Emkhosini Waminyaka Yonke Wokukhumbula Ukufa KukaKristu
Kulo mkhosi kuzoba nanenkulumo esekelwe eBhayibhelini.
ENEW YORK—NgoMgqibelo, ngo-February 27, oFakazi BakaJehova bazoqala umkhankaso womhlaba wonke wokumemela abantu esenzakalweni oFakazi abasibheka njengesibaluleke kunazo zonke onyakeni, iSikhumbuzo sokufa kukaKristu, esizoba ngo-March 23. UDavid A. Semonian, ongumkhulumeli woFakazi BakaJehova endlunkulu yabo yomhlaba wonke eNew York, uthi: “Kulo mkhosi kuzoba nanenkulumo echaza isizathu esenza ukufa kukaJesu eminyakeni ecishe ibe ngu-2 000 edlule kubaluleke nanamuhla nokuthi kulinikeza kanjani ithemba lekusasa elihle. Singathanda ukuba abantu abaningi ngangokunokwenzeka bazuze esikhuthazweni esingokomoya esizotholakala kulo mkhosi.”
Phakathi nomkhankaso, oFakazi abangaba yizigidi ezingu-8 emhlabeni wonke bazobahambela mathupha omakhelwane babo beyobamemela kulesi senzakalo. Ngonyaka odlule, kwaba khona abantu abacishe babe yizigidi ezingu-20 kulo mkhosi weSikhumbuzo.
Abezindaba:
UDavid A. Semonian, Ihhovisi Lokwaziswa, ucingo +1 718 560 5000
Okunye Ongase Ukuthande
MAYELANA NATHI
ISikhumbuzo Sokufa KukaJesu
OFakazi BakaJehova bakumema ukuba ube khona eSikhumbuzweni sokufa kukaJesu ngo-Ephreli 12, 2025.
IMIBUZO EVAME UKUBUZWA
Kungani OFakazi BakaJehova Begcina ISidlo SeNkosi Sakusihlwa Ngendlela Ehlukile Kweyezinye Izinkolo?
Sibizwa nangokuthi iSidlo Sokugcina noma iSikhumbuzo, isenzakalo esingcwele kunazo zonke soFakazi BakaJehova. Imininingwane ngaso itholakala eBhayibhelini.