NOVEMBA 29, 2018
IZINDABA ZOMHLABA WONKE
Amaphoyisa AseRussia Ahlasela Imizi Engu-8 YoFakazi ECrimea
KwakunguLwesihlanu ntambama ngoNovemba 16, 2018, lapho izisebenzi zeNhlangano Kahulumeni Yezokuphepha yaseRussia (i-FSB) zihlasela imizi engu-8 yoFakazi BakaJehova eCrimea.
Lapho izisebenzi ze-FSB zihlasela zihlomile futhi zizivale ubuso, oFakazi ababili bathuka kangangokuba umfutho wabo wegazi wanyuka kakhulu kwadingeka ukuba bayiswe esibhedlela. Okunye okubuhlungu ukuthi omunye udade owayekhulelwe, wachithekelwa isisu.
Phakathi nokuhlasela kwawo, amaphoyisa ahlukumeza u-Aleksandr Ursu oneminyaka engu-78. Amcindezela odongeni, amjikijela phansi amfaka ozankosi. Ngaphezu kwalokho, amaphoyisa aphenya abanye oFakazi ngemibuzo.
Njengamanje, umzalwane uSergey Filatov (ongakwesokudla esithombeni) uyena kuphela obekwe amacala. Ubekwe icala lokuphula umthetho ngaphansi kweSahluko-2 282.2, ingxenye 1, okungumthetho nezakhamuzi zaseCrimea eseziphoqolelwe ukuba ziwulalele. Lo mzalwane oneminyaka engu-47 futhi onezingane ezine, unguFakazi wokuqala eCrimea obekwe amacala ngaphansi komthetho waseRussia olwa namaqembu ayingozi emphakathini.
Nakuba imibiko yokuhlaselwa nokushushiswa kwabafowethi ikhathaza, siyaqhubeka sibheke kuJehova ngesibindi ukuba asinikeze amandla kulezi zinsuku zokugcina ezigcwele izinkinga.—Isaya 41:10.
Okunye Ongase Ukuthande
EZISANDA KUKHISHWA
Kusaqhubeka Ukuboshwa Nokugqunywa Emajele Kwabafowethu ERussia
EZISANDA KUKHISHWA
Izingxoxo: Odadewethu Abahlanu Bakhumbula Lokho Okwenzeka Lapho Amaphoyisa Ehlasela Endaweni Yase-Ufa ERussia
Abaseshi kanye namaphoyisa, bahlasela futhi basesha imizi eminingi yoFakazi BakaJehova. Laba besifazane abahlanu abangamaKristu bakhuluma ngokuthi lokho kuhlasela kwabathinta kanjani.