2 AmaKhosi 14:1-29
14 Ngonyaka wesibili kaJehowashi+ indodana kaJehowahazi inkosi yakwa-Israyeli, u-Amaziya+ indodana kaJehowashi inkosi yakwaJuda waba yinkosi.
2 Wayeneminyaka engamashumi amabili nanhlanu lapho eqala ukubusa, futhi wabusa eJerusalema iminyaka engamashumi amabili nesishiyagalolunye. Igama likanina kwakunguJehowadini+ waseJerusalema.
3 Waqhubeka enza okuqondile emehlweni kaJehova,+ kuphela akenzanga njengoDavide ukhokho wakhe.+ Wenza njengakho konke uJehowashi uyise ayekwenzile.+
4 Izindawo eziphakemeyo kuphela ezingazange zinyamalale.+ Abantu babesayenza imihlatshelo futhi beshunqisa umusi womhlatshelo ezindaweni eziphakemeyo.+
5 Kwathi lapho nje umbuso usuqinile esandleni sakhe, waqala ukubulala+ izinceku zakhe ezazibulale inkosi uyise.+
6 Amadodana alaba babulali akawabulalanga, ngokuvumelana nalokho okulotshwe encwadini yomthetho kaMose uJehova ayinikeza njengomyalo, wokuthi:+ “Oyise akufanele babulawe ngenxa yamadodana, namadodana akufanele abulawe ngenxa yoyise; kodwa yilowo nalowo kufanele abulawelwe isono sakhe siqu.”+
7 Washaya abakwa-Edomi+ eSigodini Sikasawoti,+ amadoda ayizinkulungwane eziyishumi, waqhwaga iSela empini, futhi igama lalo labizwa ngokuthi iJokiteyeli kuze kube yilolu suku.
8 Kungaleso sikhathi-ke lapho u-Amaziya athumela khona izithunywa kuJehowashi indodana kaJehowahazi indodana kaJehu inkosi yakwa-Israyeli, wathi: “Woza. Masibhekane ebusweni.”+
9 Khona-ke uJehowashi inkosi yakwa-Israyeli wathumela ku-Amaziya inkosi yakwaJuda, wathi: “Ukhula olunameva olwaluseLebhanoni lwathumela kumsedari+ owawuseLebhanoni, lwathi, ‘Ganisela indodana yami indodakazi yakho.’ Nokho, kwadlula isilo sasendle esasiseLebhanoni salunyathela ukhula olunameva.+
10 Ngokuqinisekile umshayile+ u-Edomi, manje inhliziyo yakho ikuphakamisile.+ Jabulela udumo lwakho+ uhlale endlini yakho. Khona-ke kungani kufanele ulwe+ ngaphansi kwezimo ezingezinhle+ futhi kudingeke uwe, wena kanye noJuda?”
11 U-Amaziya akalalelanga.+
Ngakho uJehowashi inkosi yakwa-Israyeli wakhuphuka, babhekana ebusweni,+ yena no-Amaziya inkosi yakwaJuda, eBheti-shemeshi,+ elingelakwaJuda.
12 UJuda wahlulwa phambi kuka-Israyeli,+ kangangokuba wabaleka, yilowo nalowo waya etendeni lakhe.
13 Ngu-Amaziya inkosi yakwaJuda indodana kaJehowashi indodana ka-Ahaziya uJehowashi inkosi yakwa-Israyeli amthumba eBheti-shemeshi, okwathi ngemva kwalokho beza eJerusalema wabhodloza udonga lwaseJerusalema eSangweni Lika-Efrayimi+ kwaze kwafika eSangweni Legumbi,+ izingalo ezingamakhulu amane.
14 Wathatha lonke igolide nesiliva nazo zonke izinto ezazitholakala endlini kaJehova+ nasengcebweni yendlu yenkosi nezithunjwa wayesebuyela eSamariya.
15 Ngokuqondene nazo zonke ezinye izindaba zikaJehowashi, lokho akwenza namandla akhe nendlela alwa ngayo no-Amaziya inkosi yakwaJuda, akulotshiwe yini encwadini+ yezindaba zezinsuku zamakhosi akwa-Israyeli?
16 Ekugcineni uJehowashi walala nokhokho bakhe+ wangcwatshwa eSamariya+ kanye namakhosi akwa-Israyeli, uJerobowamu+ indodana yakhe wabusa esikhundleni sakhe.
17 U-Amaziya+ indodana kaJehowashi inkosi yakwaJuda waphila iminyaka eyishumi nanhlanu+ ngemva kokufa kukaJehowashi+ indodana kaJehowahazi inkosi yakwa-Israyeli.
18 Ngokuqondene nazo zonke ezinye izindaba zika-Amaziya, azilotshiwe yini encwadini+ yezindaba zezinsuku zamakhosi akwaJuda?+
19 Ekugcineni bahlangana bambophela uzungu+ eJerusalema, wabalekela eLakishi;+ kodwa bathumela bamlandela eLakishi bambulalela khona.+
20 Ngakho bamthwala ngamahhashi wangcwatshwa+ eJerusalema kanye nokhokho bakhe eMzini KaDavide.+
21 Khona-ke bonke abantu bakwaJuda bathatha u-Azariya,+ ngaleso sikhathi eneminyaka eyishumi nesithupha ubudala,+ bambeka inkosi esikhundleni sikayise u-Amaziya.+
22 Wakha i-Elati+ wayeselibuyisela kuJuda ngemva kokuba inkosi isilele nokhokho bayo.
23 Ngonyaka weshumi nanhlanu ka-Amaziya indodana kaJehowashi inkosi yakwaJuda, uJerobowamu+ indodana kaJehowashi inkosi yakwa-Israyeli waba yinkosi eSamariya iminyaka engamashumi amane nanye.
24 Waqhubeka enza okubi emehlweni kaJehova. Akazange asuke kuzo zonke izono zikaJerobowamu indodana kaNebhati, onisa ngazo u-Israyeli.+
25 Nguye owabuyisela umngcele ka-Israyeli kusukela ekungeneni kweHamati+ kuze kufike olwandle lwase-Araba,+ ngokwezwi likaJehova uNkulunkulu ka-Israyeli owakhuluma ngenceku yakhe uJona+ indodana ka-Amithayi, umprofethi owayevela eGati-heferi.+
26 Ngoba uJehova wayekubonile ukuhlupheka okumunyu kakhulu kuka-Israyeli.+ Kwakungekho muntu ongakwazi ukuzisiza noma ongenanzuzo, futhi kwakungenamsizi ka-Israyeli.+
27 UJehova wayethembisé ukungalisuli igama lika-Israyeli ngaphansi kwamazulu.+ Ngenxa yalokho wamsindisa+ ngesandla sikaJerobowamu indodana kaJehowashi.
28 Ngokuqondene nazo zonke ezinye izindaba zikaJerobowamu nakho konke akwenza namandla akhe, indlela alwa ngayo nendlela abuyisela ngayo iDamaseku+ neHamati+ kuJuda kwa-Israyeli, akulotshiwe yini encwadini yezindaba zezinsuku zamakhosi akwa-Israyeli?
29 Ekugcineni uJerobowamu walala nokhokho bakhe, namakhosi akwa-Israyeli, uZakariya+ indodana yakhe wabusa esikhundleni sakhe.
