2 Korinte 2:1-17
2 Ngoba yilokhu engizinqumele kona, ukuba ngingaphinde ngize kini ngidabukile.+
2 Ngoba uma ngidabukisa nina,+ ubani ozongenza ngename ngaphandle kwalowo odatshukiswe yimi?
3 Ngakho ngaloba yona kanye le nto, ukuze kuthi, lapho ngiza, ngingadabuki+ ngenxa yalabo okufanele ngijabule ngabo;+ ngoba ngiyaqiniseka+ ngani nonke ukuthi injabulo enginayo yileyo eninayo nonke.
4 Ngoba nganilobela ngezinyembezi eziningi+ nginosizi olukhulu nobuhlungu benhliziyo, kungekhona ukuba nidabuke,+ kodwa ukuba nilwazi uthando enginalo ikakhulukazi ngani.
5 Uma kukhona oye wabangela ukudabuka,+ akadabukisanga mina, kodwa nina nonke ngezinga elithile—ukuze ngingabi nokhahlo kakhulu kulokho engikushoyo.
6 Lokhu kukhuza+ okunikezwa iningi kumanele umuntu onjalo,
7 kangangokuthi, manje ngokuphambene nalokho, kufanele nimthethelele ngomusa+ futhi nimduduze, ukuze umuntu onjalo ngandlela-thile angagwinywa ukudabuka ngokweqile.+
8 Ngakho-ke, nginikhuthaza ukuba niluqinisekise uthando lwenu+ ngaye.
9 Ngoba ngiloba nangenxa yale njongo ukuba ngithole ubufakazi ngani, ukuthi ningabalalelayo yini ezintweni zonke.+
10 Noma yini eniyithethelela noma ubani ngomusa, ngiyamthethelela yona nami.+ Eqinisweni, ngokuqondene nami, noma yini engiyithethelele ngomusa, uma kukhona engikuthethelele ngomusa, bekungenxa yenu emehlweni kaKristu;
11 ukuze singaphanjwa uSathane,+ ngoba asibona abangenalwazi ngamacebo akhe.+
12 Lapho ngifika eTrowa+ ukuba ngimemezele izindaba ezinhle mayelana noKristu, futhi ngivulelwa umnyango eNkosini,+
13 angitholanga mpumuzo emoyeni wami ngenxa yokungamtholi uThithu+ umfowethu, kodwa ngabavalelisa ngamuka ngaya eMakedoniya.+
14 Kodwa makabongwe uNkulunkulu osiholayo+ ngaso sonke isikhathi odwendweni lokunqoba kanye+ noKristu futhi enze iphunga lolwazi ngaye lizwakale ngathi kuyo yonke indawo!+
15 Ngoba kuNkulunkulu siyiphunga likaKristu elimnandi+ phakathi kwalabo abasindiswayo naphakathi kwalabo ababhubhayo;+
16 kulaba ababhubhayo siyiphunga elivela ekufeni liyise ekufeni,+ kwabasindiswayo siyiphunga elivela ekuphileni liyise ekuphileni. Futhi ubani ozifanelekela ngokwanele lezi zinto?+
17 Yithi; ngoba asibona abathengisi bezwi likaNkulunkulu+ njengoba abantu abaningi beyibo,+ kodwa sikhuluma ngobuqotho, yebo, njengabathunywe bevela kuNkulunkulu, sibonwa uNkulunkulu, sikanye noKristu.+
