Hoseya 10:1-15
10 “U-Israyeli ungumvini wezinga eliphansi.+ Uqhubeka ezithelela izithelo.+ Wandisé ama-altare akhe ngokulingana nobuningi bezithelo zakhe.+ Umisa izinsika ezinhle ngokulingana nobuhle bezwe lakhe.+
2 Inhliziyo yakhe isibe nobuzenzisi;+ manje uzotholakala enecala.
“Ukhona oyowaphula ama-altare akhe; uyoziphanga izinsika zakhe.+
3 Ngoba manje uzothi, ‘Asinayo inkosi,+ ngoba asizange simesabe uJehova. Inkosi yona, izosenzelani?’
4 “Bakhuluma amazwi, benza izifungo zamanga,+ benza isivumelwano;+ futhi isahlulelo sihlumé njengesitshalo esinoshevu emiseleni yensimu engabiyelwe.+
5 Abahlala eSamariya bayothuswa yisithombe sethole saseBheti-aveni;+ ngoba ngokuqinisekile abantu balo bayosililela, ngisho nabapristi balo babanye onkulunkulu ababejabula ngaso, ngenxa yenkazimulo yaso, ngoba iyobe isukile kuso yaya ekudingisweni.+
6 Yebo othile uyosiletha e-Asiriya njengesipho enkosini enkulu.+ U-Efrayimi uyothola ihlazo,+ no-Israyeli uyoba namahloni ngeseluleko saso.+
7 Ngokuqinisekile iSamariya nenkosi yalo bayothuliswa,+ njengehlumela elinqamukile elisebusweni bamanzi.
8 Izindawo eziphakeme zaseBheti-aveni,+ isono sika-Israyeli,+ empeleni ziyobhuqwa. Kuyovela ameva namakhakhasi+ ema-altare azo.+ Eqinisweni abantu bayothi ezintabeni, ‘Simbozeni!’ futhi emagqumeni bayothi, ‘Welani phezu kwethu!’+
9 “O Israyeli, kusukela ezinsukwini zaseGibheya+ wonile.+ Wema lapho. EGibheya impi elwa namadodana okungalungi ayikwazanga ukuwafica.+
10 Lapho ngikunxanela ngiyowayala futhi.+ Ngokuqinisekile izizwe ziyobuthana zimelane nawo lapho eboshelwa eziphambekweni zawo ezimbili.+
11 “U-Efrayimi wayeyisithole esiqeqeshiwe esithanda ukubhula;+ mina, ngadlula phezu kwentamo yaso ebukekayo. Ngenza ukuba othile amgibele u-Efrayimi.+ UJuda uyalima;+ uJakobe uyamhlelembela.+
12 Zihlwanyeleleni imbewu ngokulunga;+ vunani ngokomusa wothando.+ Zilimeleni umhlabathi olimekayo,+ lapho kusenesikhathi sokufuna uJehova aze afike+ anifundise ngokulunga.+
13 “Nina nilimé ububi.+ Nivuné ukungalungi.+ Nidlé izithelo zenkohliso,+ ngoba nithembele endleleni yenu,+ ebuningini babanamandla benu.+
14 Kuvuké isiyaluyalu phakathi kwabantu bakho,+ nemizi yakho enezivikelo eziqinile iyophangwa yonke,+ njengasekuphangweni kwendlu ka-Aribeli nguShalimani, ngosuku lwempi lapho ongumama aphahlazwa khona eceleni kwabantwana bakhe.+
15 O Bhethele, ngokuqinisekile umuntu uyokwenza kuwe ngale ndlela, ngenxa yobubi bakho obedlulele.+ Nakanjani inkosi yakwa-Israyeli kuyodingeka ithuliswe ekuntweleni kokusa.”+
