Hoseya 12:1-14
12 “U-Efrayimi udla umoya+ futhi uxoshana nomoya wasempumalanga usuku lonke.+ Wandisa ukuqamba amanga nokuphanga.+ Benza isivumelwano ne-Asiriya,+ kuyiswa amafutha eGibhithe.
2 “Kunecala uJehova okumelwe aliqulise uJuda,+ yebo ukwenza uJakobe alandise ngokwezindlela zakhe;+ uyombuyisela ngokwezenzo zakhe.+
3 Esesiswini wabamba umfowabo ngesithende,+ futhi walwa noNkulunkulu ngamandla akhe amakhulu.+
4 Waqhubeka elwa nengelosi ekugcineni wanqoba.+ Wakhala, ukuze azinxusele umusa.”+
Yena wamthola eBhethele,+ futhi yilapho aqala khona ukukhuluma nathi.+
5 UJehova uNkulunkulu wamabutho,+ uJehova uyisikhumbuzo sakhe.+
6 “Ngokuqondene nawe, kufanele ubuyele kuNkulunkulu wakho,+ ugcine umusa wothando+ nobulungisa;+ futhi mawuthembele kuNkulunkulu wakho njalo.+
7 Ngokuqondene nomhwebi, esandleni sakhe kukhona isikali senkohliso;+ ngukuphamba akuthandile.+
8 U-Efrayimi uqhubeka ethi, ‘Impela, ngicebile;+ ngizitholele izinto zenani elikhulu.+ Ngokuqondene nakho konke ukukhandleka kwami, ngeke bathole kimi isiphambeko esiyisono.’+
9 “Kodwa mina nginguJehova uNkulunkulu wakho kwasezweni laseGibhithe.+ Nokho ngiyokwenza ukuba uhlale ematendeni njengasezinsukwini zesikhathi esimisiwe.
10 Ngakhuluma nabaprofethi,+ mina ngokwami ngayandisa imibono, ngangilokhu ngenza imifuziselo ngesandla sabaprofethi.+
11 “Kwenzeké okungaqondakali,+ nokungelona iqiniso+ ngeGileyadi. Benzé umhlatshelo ngisho nangezinkunzi eGiligali.+ Ngaphezu kwalokho, ama-altare abo anjengezinqwaba zamatshe emiseleni yensimu engabiyelwe.+
12 UJakobe wabalekela endaweni yaseSiriya,+ u-Israyeli+ waqhubeka ekhonza ukuze athole umfazi,+ futhi ukuze athole umfazi walusa izimvu.+
13 UJehova wamkhuphula u-Israyeli wamkhipha eGibhithe ngomprofethi,+ futhi ngumprofethi owayemqaphile.+
14 U-Efrayimi wacasula ngendlela emunyu,+ izenzo zakhe zokuchitha igazi uzishiya phezu kwakhe,+ futhi iNkosi yakhe Enkulu iyombuyisela isihlamba sakhe.”+
