Hoseya 14:1-9
14 “O Israyeli, buyela kuJehova uNkulunkulu wakho,+ ngoba isiphambeko sakho sikukhubekisile.+
2 Thathani amazwi nibuyele kuJehova.+ Yishoni kuye, nonke nina bantu nithi, ‘Kwangathi ungaxolela isiphambeko;+ wamukele okuhle, futhi njengembuyiselo sizonikela kuwe ngamaduna ezinkomo ezindebe zethu.+
3 I-Asiriya ngeke lisisindise.+ Ngeke sigibele amahhashi.+ Ngeke siphinde sisho emsebenzini wezandla zethu sithi, “Nkulunkulu wethu!” ngoba nguwe obonisa intandane isihe.’+
4 “Ngizokuphulukisa ukungathembeki kwabo.+ Ngizobathanda ngokuzithandela,+ ngoba intukuthelo yami isukile kuye.+
5 Ngizoba njengamazolo ku-Israyeli.+ Uyoqhakaza njengomnduze, futhi uyofaka izimpande zakhe njengeLebhanoni.
6 Amahlumela akhe ayophuma, futhi isithunzi sakhe siyoba njengesomnqumo,+ amakha akhe ayoba njengaweLebhanoni.
7 Bayophinda futhi babe ngabahlala emthunzini wakhe.+ Bayotshala okusanhlamvu, futhi bayoveza imiqumbe njengomvini.+ Isikhumbuzo sakhe siyoba njengewayini laseLebhanoni.
8 “U-Efrayimi uyothi, ‘Ngisahlangene ngani nezithombe?’+
“Mina ngokuqinisekile ngiyonika impendulo futhi ngiyoqhubeka ngimbhekile.+ Nginjengomjunipha okhephuzelayo.+ Izithelo zenu ziyotholakala kimi.”
9 Ngubani ohlakaniphile, ukuba aqonde lezi zinto?+ Oqondayo, ukuba azazi?+ Ngoba izindlela zikaJehova ziqondile,+ futhi ngabalungileyo abayohamba kuzo;+ kodwa izeqamthetho zona, yizo eziyokhubeka kuzo.+
