IsiLilo 5:1-22
5 O Jehova, khumbula lokho okwenzeke kithi.+ Bheka ubone isihlamba sethu.+
2 Ifa lethu linikelwe ezihambini, izindlu zethu kwabezinye izizwe.+
3 Sibé yizintandane ezingenaye ubaba.+ Omama banjengabafelokazi.+
4 Kuye kwadingeka ukuba siphuze amanzi ethu siqu ngemali.+ Izinkuni zethu zingena ngentengo.
5 Abasisukelayo sebelapha entanyeni yethu.+ Sidiniwe. Akukho ukuphumula esikushiyelwe.+
6 Siniké iGibhithe+ isandla;+ sanika ne-Asiriya,+ ukuze sithole ukwaneliseka ngesinkwa.
7 Okhokho bethu yibo abonile.+ Abasekho. Kepha thina, kuye kwadingeka ukuba sithwale iziphambeko zabo.+
8 Izinceku nje zisibusile.+ Akekho osihlwithayo esandleni sazo.+
9 Singenisa isinkwa sethu sibeké umphefumulo wethu engozini,+ ngenxa yenkemba yasehlane.
10 Isikhumba sethu uqobo sesishisa njengesithando somlilo, ngenxa yephango.+
11 Bathobisé abafazi abaseZiyoni,+ izintombi ezisemizini yakwaJuda.
12 Izikhulu ngokwazo zilengiswé ngesandla sazo nje.+ Ngisho nobuso bamaxhegu abuzange buhlonishwe.+
13 Ngisho nezinsizwa ziphakamise itshe lokugaya,+ futhi abafana bakhubekile bethwele izinkuni.+
14 Amaxhegu awasekho ngisho nangaphandle kwesango,+ nezinsizwa emculweni wazo wezinsimbi.+
15 Ukwethaba kwenhliziyo yethu kuphelile. Ukudansa kwethu kushintshé kwaba ngukukhala kuphela.+
16 Umqhele wekhanda lethu uwile.+ Manje, maye kithi, ngoba sonile!+
17 Ngenxa yalokhu inhliziyo yethu iyagula.+ Ngenxa yalezi zinto amehlo ethu aqundekile,+
18 Ngenxa yentaba yaseZiyoni eyenziwe incithakalo;+ izimpungushe zihambé phezu kwayo.+
19 Kepha wena Jehova, uyohlala kuze kube nini nanini.+ Isihlalo sakho sobukhosi simi izizukulwane ngezizukulwane.+
20 Kungani usikhohlwa kuze kube phakade,+ usishiya ubude bezinsuku?+
21 O Jehova, sibuyisele+ kuwe, sizobuya ngokushesha. Silethele izinsuku ezintsha njengakudala.+
22 Nokho, ngokuqinisekile usalile.+ Usithukuthelele kakhulu.+
