Roma 3:1-31
3 Khona-ke, ungcono ngani umJuda,+ noma, iyini inzuzo yokusoka?+
2 Ungcono kakhulu ngazo zonke izindlela. Okokuqala, ngenxa yokuthi waphathiswa amazwi angcwele kaNkulunkulu.+
3 Khona-ke siyini isimo? Uma abanye bengalubonisanga ukholo,+ ingabe mhlawumbe ukuntula kwabo ukholo kuyokwenza ize ukuthembeka+ kukaNkulunkulu?+
4 Kwangathi kungelokothe kube njalo! Kodwa uNkulunkulu makatholakale eqinisile,+ nakuba wonke umuntu engatholakala engumqambimanga,+ njengoba nje kulotshiwe ukuthi: “Ukuze ubonakaliswe ulungile emazwini akho futhi unqobe lapho wahlulelwa.”+
5 Nokho, uma ukungalungi kwethu kwenza ukulunga kukaNkulunkulu+ kuqhame, sizothini? UNkulunkulu akayena ongalungile+ lapho ekhipha intukuthelo yakhe, akunjalo? (Ngikhulumisa okomuntu.+)
6 Kwangathi kungelokothe kube njalo! Ngaphandle kwalokho, uNkulunkulu uyolahlulela kanjani izwe?+
7 Nokho uma ngenxa yamanga ami iqiniso likaNkulunkulu+ liye lenziwa lavelela ngokwengeziwe kwaba yinkazimulo kuye, kungani futhi ngisahlulelwa njengesoni?+
8 Futhi kungani kungashiwo ukuthi: “Masenze izinto ezimbi ukuze kuvele izinto ezinhle”+ njengoba nje simangalelwa ngakho ngamanga+ nanjengoba nje abanye abantu bethi sisho kanjalo? Isahlulelo+ ngokumelene nalabo bantu sivumelana nobulungisa.+
9 Khona-ke kuthiwani? Ingabe sisesimweni esingcono?+ Phinde! Ngoba ngenhla sithé amaJuda kanye namaGreki bonke bangaphansi kwesono;+
10 njengoba nje kulotshiwe: “Akekho umuntu olungileyo, ngisho noyedwa;+
11 akekho onokuqondisisa, akekho ofuna uNkulunkulu.+
12 Bonke baphambukile, bebonke baye baba yize; akekho owenza umusa, akekho ngisho noyedwa.”+
13 “Umphimbo wabo uyithuna elivulekile, basebenzisé inkohliso ngolimi lwabo.”+ “Ubuthi bezimfezi bungemva kwezindebe zabo.”+
14 “Futhi umlomo wabo ugcwele ukuqalekisa nenkulumo ebabayo.”+
15 “Izinyawo zabo ziyashesha ukuyochitha igazi.”+
16 “Ukuchitha nosizi kusezindleleni zabo,+
17 futhi abayazanga indlela yokuthula.”+
18 “Akukho ukwesaba uNkulunkulu phambi kwamehlo abo.”+
19 Manje siyazi ukuthi zonke izinto uMthetho+ ozishoyo uzibhekisa kulabo abangaphansi koMthetho, ukuze yonke imilomo ivalwe+ futhi lonke izwe lifanelwe ukujeziswa+ uNkulunkulu.+
20 Ngakho-ke ngemisebenzi yomthetho akukho nyama okuyothiwa ilungile+ phambi kwakhe, ngoba ngomthetho+ kuba khona ulwazi olunembile ngesono.+
21 Kodwa manje ukulunga kukaNkulunkulu+ kuye kwabonakaliswa ngaphandle komthetho, njengoba kufakazelwa+ nguMthetho+ nabaProfethi;+
22 yebo, ukulunga kukaNkulunkulu ngokholo kuJesu Kristu,+ kubo bonke abanokholo.+ Ngoba awukho umahluko.+
23 Ngoba bonke bonile+ futhi bayasilela enkazimulweni kaNkulunkulu,+
24 futhi kunjengesipho sesihle+ ukuthi ngomusa wakhe ongafanelwe+ kuthiwa balungile ngokukhululwa ngesihlengo+ esakhokhwa uKristu Jesu.
25 UNkulunkulu wammisa njengomnikelo wokuhlawulela+ ngokholo egazini lakhe.+ Lokhu kwakungenjongo yokuba abonise ukulunga kwakhe siqu, ngoba wayethethelela izono+ ezenzeka esikhathini esidlule ngesikhathi uNkulunkulu ebonisa unembe;+
26 ngenjongo yokuba abonise ukulunga kwakhe siqu+ kule nkathi yamanje, ukuze abe ngolungileyo ngisho nalapho ethi ulungile+ umuntu onokholo kuJesu.
27 Kuphi-ke ukuziqhayisa?+ Kuvalelwe ngaphandle. Ngamuphi umthetho?+ Wemisebenzi?+ Lutho neze, kodwa ngomthetho wokholo.+
28 Ngoba sithi umuntu kuthiwa ulungile ngokholo ngaphandle kwemisebenzi yomthetho.+
29 Noma ingabe unguNkulunkulu wamaJuda kuphela?+ Akayena yini nowabantu bezizwe?+ Yebo, ungowabantu bezizwe futhi,+
30 uma ngempela uNkulunkulu emunye,+ oyothi balungile abantu abasokile+ ngenxa yokholo athi futhi balungile abantu abangasokile+ ngokholo lwabo.
31 Khona-ke, ingabe thina siyawuqeda umthetho ngokholo lwethu?+ Kwangathi kungelokothe kube njalo! Ngokuphambene nalokho, siqinisa umthetho.+
