AmaHubo 46:1-11
Kumqondisi. Elamadodana kaKhora. + Kusetshenziswa indlela yokucula ye-Alamoti.* Ihubo.
46 UNkulunkulu uyisiphephelo namandla ethu, +Usizo olutholakala ngokushesha ngezikhathi zokucindezeleka. +
2 Yingakho singeke sesabe, ngisho noma umhlaba ushintsha,Noma izintaba zidilikela ekujuleni kolwandle, +
3 Noma amanzi alo ehlokoma, ekhipha amagwebu, +Noma izintaba zizamazama ngenxa yokuyaluza kwalo. (Sela)
4 Kukhona umfula onemifudlana ethokozisa idolobha likaNkulunkulu, +Itabernakele elikhulu elingcwele loPhezukonke.
5 UNkulunkulu uphakathi kuleli dolobha; + ngeke linqotshwe.
UNkulunkulu uyolisiza ngovivi lokusa. +
6 Izizwe zaxokozela, imibuso yanqotshwa;Wamemeza, umhlaba wancibilika. +
7 UJehova wamabutho unathi; +UNkulunkulu kaJakobe uyindawo yethu yokuphephela* elondekile. (Sela)
8 Wozani nibone imisebenzi kaJehova,Ukuthi uzenze kanjani izinto ezimangalisayo emhlabeni.
9 Uqeda izimpi emhlabeni wonke. +
Uphula umnsalo anqamule umkhonto ube yizicucu;Izinqola zempi uzishisa* ngomlilo.
10 “Celani umaluju, nazi ukuthi nginguNkulunkulu.
Ngizodunyiswa phakathi kwezizwe; +Ngizodunyiswa emhlabeni.” +
11 UJehova wamabutho unathi; +UNkulunkulu kaJakobe uyindawo yethu yokuphephela elondekile. + (Sela)
Imibhalo yaphansi
^ Bheka uHlu Lwezincazelo Zamagama.
^ Noma, “ephakeme.”
^ Noma kungaba, “Amahawu uwashisa.”
