AmaHubo 49:1-20
Kumqondisi.
Elamadodana kaKhora. +
Ihubo
49 Yizwani lokhu, nonke nina zizwe.
Lalelani, nonke nina enihlala emhlabeni,*
2 Abancane nabakhulu,Abacebile nabampofu.
3 Ngizokhuluma amazwi abonisa ukuhlakanipha,Nokuzindla kwenhliziyo yami + kuzongenza ngiqonde izinto ezijulile.
4 Ngizolalela isaga;Ngizochaza isiphicaphicwano sami ngibe ngidlala ihabhu.
5 Kungani kufanele ngesabe ngezikhathi ezinzima, +Lapho ngihlushwa yizenzo ezimbi zalabo abazama ukungiwisa?
6 Labo abathembela engcebweni yabo +Abaqhosha ngengcebo yabo eningi, +
7 Akekho kubo ongahlenga umfowaboNoma anike uNkulunkulu inhlawulo ngenxa yomfowabo, +
8 (Inani lokuhlenga* ukuphila kwabo liphakeme kakhuluKangangokuba lihlale lingaphezu kwamandla abo);
9 Ukuze aphile phakade angaliboni igodi. *+
10 Uyabona ukuthi ngisho nabahlakaniphile bayafa;Oyisiphukuphuku nongenangqondo bashabalala ndawonye, +Umcebo wabo kufanele bawushiyele abanye. +
11 Isifiso sabo esijulile siwukuba izindlu zabo zihlale kuze kube phakade,Amatende abo ahlale izizukulwane ngezizukulwane.
Imihlaba yabo bayibiza ngamagama abo.
12 Kodwa umuntu, nakuba ehloniphekile, akanakuhlala ekhona; +Akangcono kunezilwane ezishabalalayo. +
13 Lesi yisiphetho sabayiziphukuphuku +Nesalabo ababalandelayo, abachazwa amazwi abo angathi shu. (Sela)
14 Bayobulawa njengezimvu bese beya eThuneni.*
Ukufa kuyobelusa;Abaqotho bayobabusa + ekuseni.
Bayonyamalala unomphela; +Indlu yabo kuyoba yiThuna *+ kunokuba kube yisigodlo. +
15 Kodwa uNkulunkulu uyongikhulula emandleni* eThuna, *+Ngoba uyongikhipha khona. (Sela)
16 Ungesabi lapho umuntu eceba,Lapho ubukhazikhazi bendlu yakhe banda,
17 Ngoba lapho efa ngeke ahambe nalutho; +Ngeke angcwatshwe nobukhazikhazi bakhe. +
18 Ngoba lapho esaphila uyazihalalisela. +
(Abantu bayakudumisa uma ucebile.) +
19 Ekugcineni uyafa njengokhokho bakhe.
Bonke ngeke baphinde bakubone ukukhanya.
20 Umuntu ongakuqondi lokhu, nakuba ehloniphekile, +Akangcono kunezilwane ezishabalalayo.
Imibhalo yaphansi
^ Noma, “eniphila kule nkathi.”
^ Noma, “lokukhulula.”
^ Noma, “ithuna.”
^ Noma, “eShiyoli,” okuwukuthi, ithuna elivamile lesintu. Bheka uHlu Lwezincazelo Zamagama.
^ Noma, “yiShiyoli,” okuwukuthi, ithuna elivamile lesintu. Bheka uHlu Lwezincazelo Zamagama.
^ NgesiHebheru, “esandleni.”
^ Noma, “eShiyoli,” okuwukuthi, ithuna elivamile lesintu. Bheka uHlu Lwezincazelo Zamagama.
