U-Amose 1:1-15
1 Lawa amazwi ka-Amose,* owayephakathi kwabafuyi bezimvu baseThekhowa, + awabona embonweni ophathelene no-Israyeli ezinsukwini zika-Uziya + inkosi yakwaJuda nasezinsukwini zikaJerobowamu + indodana kaJowashi, + inkosi yakwa-Israyeli, eminyakeni emibili ngaphambi kokuzamazama komhlaba. +
2 Wathi:
“UJehova uyobhonga eseZiyoni,Uyophakamisa izwi lakhe eseJerusalema.
Amadlelo abelusi ayolila,Nesiqongo saseKarmeli siyokoma.’’ +
3 “Yilokhu uJehova akushoyo,‘ “Ngenxa yokuvukela* kaningi* kweDamaseku, ngeke ngikushintshe engikunqumile,Ngoba balichoboza iGileyadi ngezinto zokubhula. +
4 Ngakho ngiyothumela umlilo phezu kwendlu kaHazayeli, +Uyoshwabadela imibhoshongo eqinile kaBheni-hadadi. +
5 Ngiyophula imigoqo yaseDamaseku; +Ngiqothule abahlala eBhikati-aveniNalowo obusa* eBheti-edene;Abantu baseSiriya bayoya eKhiri njengabadingisiwe,” + kusho uJehova.’
6 Yilokhu uJehova akushoyo,‘ “Ngenxa yokuvukela kaningi kweGaza, + ngeke ngikushintshe engikunqumile,Ngoba bathatha lonke iqembu labadingisiwe + ukuze balinikele ku-Edomi.
7 Ngakho ngiyothumela umlilo phezu kodonga lwaseGaza, +Uyoshwabadela imibhoshongo yalo eqinile.
8 Ngiyobhubhisa abahlala e-Ashidodi +Nalowo obusa* e-Ashikeloni; +Isandla sami siyomelana ne-Ekroni, +Abasele kumaFilisti bayoshabalala,” + kusho iNkosi EnguMbusi uJehova.’
9 Yilokhu uJehova akushoyo,‘Ngenxa yokuvukela kaningi kweThire, + ngeke ngikushintshe engikunqumile,Ngoba banikela ngalo lonke iqembu labadingisiwe ku-EdomiNangenxa yokuthi abasikhumbulanga isivumelwano sabafowabo. +
10 Ngakho ngiyothumela umlilo phezu kodonga lwaseThire,Uyoshwabadela imibhoshongo yalo eqinile.’ +
11 Yilokhu uJehova akushoyo,‘Ngenxa yokuvukela kaningi kuka-Edomi, + ngeke ngikushintshe engikunqumile,Ngoba wajaha umfowabo ngenkemba +Nangenxa yokuthi wenqaba ukubonisa isihe;Ulokhu ebadwengula ngolaka lwakhe,Akayeki ukubathukuthelela. +
12 Ngakho ngiyothumela umlilo ungene eThemani, +Uyoshwabadela imibhoshongo eqinile yaseBhozira.’ +
13 Yilokhu uJehova akushoyo,‘ “Ngenxa yokuvukela kaningi kwabakwa-Amoni, + ngeke ngikushintshe engikunqumile,Ngenxa yokuthi baqhaqha* abesifazane abakhulelwe bakwaGileyadi ukuze benze indawo yabo ibe banzi. +
14 Ngakho ngiyokokhela umlilo odongeni lwaseRaba, +Uyoshwabadela imibhoshongo yalo eqinile,Ngesiqubulo sempi ngosuku lwempi,Ngesiphepho ngosuku lwesivunguvungu.
15 Inkosi yabo iyodingiswa kanye nezikhulu zayo,” + kusho uJehova.’
Imibhalo yaphansi
^ Incazelo: “Ukuba Umthwalo” noma “Ukuthwala Umthwalo.”
^ Noma, “yobugebengu.”
^ Noma, “kathathu noma kane.”
^ NgesiHebheru, “ophethe intonga.”
^ NgesiHebheru, “ophethe intonga.”
^ Noma, “bahlinza.”
