U-Amose 4:1-13
4 “Yizwani leli zwi, nina zinkomo zaseBhashani,Enisentabeni yaseSamariya, +Nina bantu besifazane eniphamba abantu abaphansi, + nicindezele abampofu,Enithi kubayeni* benu, ‘Siletheleni okuphuzwayo!’
2 INkosi EnguMbusi uJehova ifunge ngobungcwele bayo,‘ “Bhekani! Kuza izinsuku phezu kwenu lapho iyoniphakamisa khona ngamahhuku asesilaheniAbasele ibaphakamise ngamahhuku odobo.
3 Niyophuma ngezindawo ezibhodlokile odongeni, ngamunye aqonde phambili;Niyophonswa ngaphandle eHarmoni,” kusho uJehova.’
4 ‘Wozani eBhethele neqe umthetho, *+Wozani eGiligali niweqe nakakhulu umthetho! +
Lethani imihlatshelo yenu + ekuseniNokweshumi kwenu + ngosuku lwesithathu.
5 Shisani umhlatshelo wokubonga wesinkwa esinemvubelo; +Memezelani iminikelo yenu yokuzithandela!
Ngoba yilokho enithanda ukukwenza, nina bantu bakwa-Israyeli,’ kusho iNkosi EnguMbusi uJehova.
6 ‘Mina ngabangela indlala* kuwo wonke amadolobha enuNgenza zonke izindlu zenu zaswela isinkwa; +Kodwa anibuyelanga kimi,’ + kusho uJehova.
7 ‘Ngabuye nganigodlela imvula kusasele izinyanga ezintathu ngaphambi kokuba kuvunwe; +Ngenza ukuba line edolobheni elilodwa, kodwa lingani kwelinye idolobha.Kwakuba khona isiqephu sezwe elalina kuso,
Kodwa lesi esinye elalingani kuso sasoma.
8 Abantu basemadolobheni amabili noma amathathu babeyendayendela edolobheni elilodwa beyophuza amanzi, +Kodwa babenganeliseki;Anibuyelanga kimi,’ + kusho uJehova.
9 ‘Nganishaya ngokushisa okukhulu nangesikhunta. +
Nazandisa izingadi zenu namasimu amagilebhisi,Kodwa izihlahla zenu zamakhiwane nezeminqumo zazishwabadelwa izintethe; +Noma kunjalo anibuyelanga kimi,’ + kusho uJehova.
10 ‘Ngathumela phakathi kwenu isifo esiwumshayabhuqe esifana nesaseGibhithe. +
Ngabulala izinsizwa zenu ngenkemba, + ngathumba namahhashi enu. +
Emakamu enu kwagcwala iphunga elibi lezidumbu; +Kodwa anibuyelanga kimi,’ kusho uJehova.
11 ‘Ngagumbuqela izwe lenuNjengoba nje uNkulunkulu agumbuqela iSodoma neGomora. +
Naninjengokhuni oluhlwithwe emlilweni;Kodwa anibuyelanga kimi,’ + kusho uJehova.
12 Ngakho yilokhu engizokwenza kuwe Israyeli.
Ngenxa yokuthi yilokhu engizokwenza kuwe,Lungela ukuhlangana noNkulunkulu wakho, Israyeli.
13 Ngoba bheka! Nguye owenza izintaba + nowadala umoya; +Utshela umuntu imicabango yaKhe,Ushintsha ukuntwela kokusa kube ubumnyama, +Unyathela ezindaweni eziphakeme zomhlaba; +Igama lakhe nguJehova uNkulunkulu wamabutho.”
Imibhalo yaphansi
^ Noma, “emakhosini.”
^ Noma, “nidlubulunde.”
^ NgesiHebheru, “ngasusa ukudla emazinyweni.”
