UHoseya 8:1-14
8 “Faka uphondo emlonyeni wakho! +
Umuntu uza njengokhozi amelane nendlu kaJehova, +Ngenxa yokuthi baphule isivumelwano sami + beqa nomthetho wami. +
2 Bakhala kimi bathi, ‘Nkulunkulu wethu, thina Israyeli siyakwazi!’ +
3 U-Israyeli wenqabe okuhle. +
Umuntu oyisitha makamjahe.
4 Bamise amakhosi, kodwa hhayi ngelungiselelo lami.
Bamise izikhulu ngaphandle kwemvume yami.
Ngesiliva labo nangegolide labo benze izithixo, +Okuyinto eyobenza babhujiswe. +
5 O Samariya, ithole lakho lilahliwe. +
Ngibathukuthelele kakhulu. +
Kuyoze kube nini bengakwazi ukuba msulwa?*
6 Ngoba lokhu kuvela kwa-Israyeli.
Kwenziwe yingcweti, hhayi uNkulunkulu;Ithole laseSamariya liyokwenziwa izicucu.
7 Ngoba bahlwanyela umoya,Bayovuna isivunguvungu. +
Noma yini emilile ngeke ikukhiqize ukudla; +Noma yini emilayo ngeke iveze ufulawa.
Uma kungaba khona okukhiqizwayo, abantu bezinye izizwe* bayokugwinya. +
8 U-Israyeli uzogwinywa. +
Manje uzoba phakathi kwezizwe +Njengesitsha esingafunwa muntu.
9 Ngoba ukhuphukele e-Asiriya, + njengembongolo yasendle ezihambela indlela yayo.
U-Efrayimi uqashe abesifazane baba yizithandwa zakhe. +
10 Nakuba ebaqasha phakathi kwezizwe,Manje sengizobaqoqela ndawonye;Bazohlupheka + ngenxa yomthwalo osindayo abawuthwaliswe yinkosi nezikhulu.
11 Ngoba u-Efrayimi wandise ama-altare ukuze one. +
Aba ama-altare akhe okona. +
12 Ngambhalela izinto eziningi zomthetho* wami,Kodwa zabhekwa njengezinto eziyinqaba. +
13 Banikela kimi izipho eziyimihlatshelo, badle inyama,Kodwa uJehova akajabuli ngabo. +
Manje uzosikhumbula isiphambeko sabo, abajezisele izono zabo. +
Babuyele* eGibhithe. +
14 U-Israyeli umkhohliwe uMenzi wakhe + wakha amathempeli, +UJuda wandise amadolobha anezivikelo eziqinile. +
Kodwa ngizothumela umlilo emadolobheni akhe,
Uzoshwabadela imibhoshongo yedolobha ngalinye.” +
Imibhalo yaphansi
^ Noma, “ukuhlanzeka.”
^ Noma, “abayizihambi.”
^ Noma, “zezimfundiso.”
^ Noma kungaba, “Bayobuyela.”
