IzAga 1:1-33
1 Izaga zikaSolomoni, + indodana kaDavide, + inkosi yakwa-Israyeli: +
2 Lezi zaga zibhalelwe ukuba umuntu athole* ukuhlakanipha + amukele nesiyalo;Aqonde amazwi ahlakaniphile;
3 Athole isiyalo + esenza umuntu abe nokuqonda,Ukulunga, + ikhono lokwahlulela *+ nobuqotho;*
4 Zihlakaniphisa + ongenalwazi;Zinika insizwa ulwazi nekhono lokucabanga. +
5 Umuntu ohlakaniphile uyalalela amukele afundiswa kona; +Umuntu onokuqonda uthola isiqondiso esihlakaniphile +
6 Ukuze aqonde isaga nesisho esingaqondakali kalula,*Amazwi abantu abahlakaniphile neziphicaphicwano zabo. +
7 Ukwesaba* uJehova kungukuqala kolwazi. +
Yiziwula kuphela ezizonda ukuhlakanipha nesiyalo. +
8 Ndodana yami, lalela isiyalo sikayihlo, +Ungayishiyi imfundiso* kanyoko. +
9 Kuwumhlobiso omuhle ekhanda lakho +Nomgexo omuhle entanyeni yakho. +
10 Ndodana yami, uma izoni zizama ukukuyenga, ungavumi. +
11 Uma zithi: “Hamba nathi.
Masibacuthele ukuze sichithe igazi.
Sizobalalela unyendle abantu abamsulwa.
12 Sizobagwinya bephila njengoba kwenza iThuna,*Bephelele, njengalabo abehlela phansi egodini.
13 Masithathe zonke izimpahla zabo eziyigugu;Sizogcwalisa impahla ephangiwe ezindlini zethu.
14 Kufanele uhambe nathi,Esikwebile sizokwabelana kona ngokulinganayo.”
15 Ndodana yami, ungabalandeli.
Ungahambi endleleni yabo, +
16 Ngoba izinyawo zabo zigijimela ekwenzeni okubi;Bayashesha ukuchitha igazi. +
17 Kuyize leze ukwendlala inethi phambi kwenyoni ibuka.
18 Yingakho becuthela ukuchitha igazi;Bayacutha ukuze babulale abanye abantu.
19 Lezi izindlela zalabo abafuna inzuzo ngokungathembeki,Leyo nzuzo iyothatha ukuphila kwabo. +
20 Ukuhlakanipha kweqiniso + kumemeza kakhulu emgwaqweni. +
Kuqhubeka kuphakamisa izwi lako ezigcawini. +
21 Kumemeza ekhoneni lemigwaqo ephithizelayo.
Emasangweni amadolobha kuthi: +
22 “Kuyoze kube nini nina eningenalwazi nithanda ukungabi nalwazi?
Kuyoze kube nini nina bahleki bosulu nijatshuliswa ukuhleka usulu?
Kuyoze kube nini nina ziphukuphuku nizonda ulwazi? +
23 Ngilaleleni* lapho nginisola. +
Ngiyobe senginithululela umoya wami;Ngiyonenza nazi amazwi ami. +
24 Ngenxa yokuthi nginimemezile, kodwa nangasabela,Ngelula isandla sami, kodwa akukho muntu owayenakile, +
25 Benilokhu ningasinaki sonke iseluleko samiNingakwamukeli nokusola kwami,
26 Nami futhi ngiyohleka lapho nehlelwa inhlekelele;Ngiyohleka usulu lapho kufika lokho enikwesabayo, +
27 Lapho lokho enikwesabayo kufika njengesivunguvungu,Nenhlekelele inifikela njengesiphepho,Lapho usizi nezinkathazo kunifikela.
28 Ngaleso sikhathi bayolokhu bengibiza, kodwa ngeke ngiphendule;Bayongifuna phansi phezulu, kodwa ngeke bangithole, +
29 Ngenxa yokuthi baluzondile ulwazi, +Futhi abakukhethanga ukwesaba uJehova. +
30 Basenqabile iseluleko sami;Bakwedelelile konke ukusola kwami.
31 Ngakho bayobhekana nemiphumela* yezindlela zabo, +Bayosutha amacebo abo kuze kweqe.
32 Ngoba abangenalwazi bayobulawa ukungalawuleki kwabo,Nokunganaki kweziphukuphuku kuyozibhubhisa.
33 Kodwa ongilalelayo uyohlala ngokulondeka +Angaphazanyiswa ukwesaba inhlekelele.” +
Imibhalo yaphansi
^ NgesiHebheru, “azi.”
^ Noma, “lokho okuwubulungisa.”
^ Noma, “nokungakhethi.”
^ Noma, “nomzekeliso.”
^ Noma, “Ukuhlonipha.”
^ Noma, “umthetho.”
^ Noma, “iShiyoli,” okuwukuthi, ithuna elivamile lesintu. Bheka uHlu Lwezincazelo Zamagama.
^ Noma, “Phendukani.”
^ NgesiHebheru, “bayodla isithelo.”
