IzAga 31:1-31
31 Amazwi eNkosi uLemuweli, umyalezo onamandla unina amnika wona ukuze amfundise: +
2 O ndodana yami, yini okufanele ngikutshele yona,Yini ndodana yesibeletho sami,Yini enye ndodana yezithembiso zami? +
3 Unganiki abesifazane amandla akho, +Ungalandeli izindlela ezenza amakhosi abhubhe. +
4 Akukhona okwamakhosi, Lemuweli,Akukhona okwamakhosi ukuphuza iwayiniNoma okwababusi ukuba bathi: “Buphi utshwala bami?” +
5 Ukuze bangaphuzi bese bekhohlwa okunqunyiwe,Baphendukezele amalungelo abantu abaphansi.
6 Banikeni utshwala labo abashabalalayo +Nibanike iwayini labo abanosizi. *+
7 Mabaphuze bakhohlwe ukuhlupheka kwabo;Mabangabe besazikhumbula izinkathazo zabo.
8 Khulumela abangakwazi ukuzikhulumela;Lwela amalungelo abo bonke abashabalalayo. +
9 Kufanele ukhulume futhi wahlulele ngokulunga;Lwela amalungelo abantu abaphansi nabahluphekayo. +
א [Aleph]
10 Ubani ongathola umfazi okhaliphile? *+
Ubaluleke ukwedlula amakhorali.*
ב [Beth]
11 Umyeni wakhe umethemba ngokusuka enhliziyweni,Akantuli lutho oluyigugu.
ג [Gimel]
12 Uvuza umyeni wakhe ngokuhle hhayi ngokubi,Zonke izinsuku zokuphila kwakhe.
ד [Daleth]
13 Ufuna uvolo nelineni;Uyakujabulela ukusebenza ngezandla zakhe. +
ה [He]
14 Unjengemikhumbi yomthengisi, +Ukulanda kude ukudla kwakhe.
ו [Waw]
15 Uvuka kusesebusuku,Aphe umndeni wakhe ukudlaAnike nezincekukazi zakhe izabelo. +
ז [Zayin]
16 Ucabanga ngensimu, ayihlole bese eyayithenga;Utshala insimu yamagilebhisi ngenzuzo ayitholile.*
ח [Heth]
17 Uzilungiselela ukusebenza kanzima, +Uqinisa izingalo zakhe.
ט [Teth]
18 Uyabona ukuthi ukuhweba kwakhe kunenzuzo;Isibani sakhe asicimi ebusuku.
י [Yod]
19 Izandla zakhe zibamba uthi lokubamba imicu,Izandla zakhe zibamba uthi lokuphotha. *+
כ [Kaph]
20 Welula isandla sakhe asize abampofu,Futhi uvulela abahluphekile izandla zakhe. +
ל [Lamed]
21 Akakhathazeki ngomndeni wakhe ebusika,Ngoba wonke umndeni wakhe wembathe izingubo ezifudumele.*
מ [Mem]
22 Uzenzela izembozo zombhede wakhe.
Izingubo zakhe ezelineni noboya obuphephuli.
נ [Nun]
23 Umyeni wakhe ungumuntu owaziwayo emasangweni edolobha, +Lapho ehlala khona phakathi kwamadoda amadala ezwe.
ס [Samekh]
24 Wenza futhi athengise izingubo zelineni*Anike nabahwebi amabhande.
ע [Ayin]
25 Unesibindi futhi uyahlonishwaUbheka ikusasa ngokuqiniseka.*
פ [Pe]
26 Umlomo wakhe uwuvula ngokuhlakanipha; +Umthetho womusa* usolimini lwakhe.
צ [Tsade]
27 Uyayibheka imisebenzi eyenziwa endlini yakhe,Akasidli isinkwa sobuvila. +
ק [Qoph]
28 Izingane zakhe ziyasukuma zimdumise;Umyeni wakhe uyasukuma amdumise.
ר [Resh]
29 Baningi abesifazane abakhaliphile,*Kodwa wena—wena ubadlula bonke.
ש [Shin]
30 Ukukhanga kungase kube yinkohliso, nobuhle bungase bube obesikhashana, *+Kodwa owesifazane owesaba uJehova uyothola udumo. +
ת [Taw]
31 Mnikeni umvuzo ngomsebenzi wakhe, *+Imisebenzi yakhe mayimdumise emasangweni edolobha. +
Imibhalo yaphansi
^ Noma, “abalusizi emphefumulweni.”
^ Noma, “onekhono.”
^ Bheka uHlu Lwezincazelo Zamagama.
^ NgesiHebheru, “ngesithelo sezandla zakhe.”
^ Uthi lokubamba imicu nothi lokuphotha kwakuyizindukwana ezazisetshenziselwa ukuphotha nokwenza intambo yokuthunga.
^ NgesiHebheru, “ezibhangqiwe.”
^ Noma, “zangaphansi.”
^ Noma, “uyahleka lapho ecabanga ngekusasa.”
^ Noma, “Imfundiso enothando; Umthetho wothando oluqotho.”
^ Noma, “abanekhono.”
^ Noma, “yize.”
^ NgesiHebheru, “esithelweni sezandla zakhe.”
