uJobe 22:1-30
22 U-Elifazi + umThemani waphendula wathi:
2 “Ingabe umuntu angaba usizo kuNkulunkulu?
Ingabe umuntu ohlakaniphile angamzuzisa uNkulunkulu? +
3 Ingabe uMninimandla Onke unendaba* nokuthi ulungile,Noma kukhona yini akuzuzayo ngokuthi uhamba endleleni yobuqotho? +
4 Ingabe uyokujezisa,Akuyise enkantolo ngenxa yokuthi uyamhlonipha?
5 Akukhona yini ukuthi ububi bakho bedluleleFuthi iziphambeko zakho azipheli? +
6 Ngoba uthatha isibambiso kubafowenu ngaphandle kwesizathu,Uhlubula abantu izingubo zabo ubashiye benqunu. +
7 Awumphuzisi okhathele amanzi,Uncisha olambile ukudla. +
8 Izwe elomuntu onamandla, +Futhi kulo kuhlala othandwayo.
9 Kodwa abafelokazi ubahambise belambatha,
Wachoboza nezingalo zezintandane.*
10 Yingakho uzungezwe izicupho, *+Nezinto ezithusayo ezingalindelekile zikwethusa;
11 Yingakho kumnyama kangangokuba awukwazi nokubona,Futhi umbozwa isikhukhula.
12 UNkulunkulu akekho yini phezulu ezulwini?
Buka ukuthi zonke izinkanyezi ziphakeme kangakanani.
13 Kodwa wena uthe: ‘Wazini ngempela uNkulunkulu?
Angahlulela yini phakathi kwamafu amnyama?
14 Amafu ayamsitha ukuze angaboniNjengoba ehambahamba ezulwini.’*
15 Uyoyilandela yini indlela yakudalaAbantu ababi abahambe ngayo,
16 Abantu abahlwithwe* ngaphambi kwesikhathi,Abasisekelo sabo sakhukhulwa isikhukhula? *+
17 Babethi kuNkulunkulu weqiniso: ‘Hlukana nathi!
UMninimandla Onke angasenzani?’
18 Ekubeni kunguYena ogcwalise izindlu zabo ngezinto ezinhle.
(Anginakulokotha ngicabange into embi ngaleyo ndlela.)
19 Olungile uyokubona lokhu ajabule,Nomsulwa uyobahleka usulu athi:
20 ‘Abamelene nathi babhuqiwe,Umlilo uyoqothula abasele kubo.’
21 Mazi uNkulunkulu, futhi uyoba nokuthula;Ngaleyo ndlela izinto ezinhle ziyoza kuwe.
22 Yamukela umthetho ovela emlonyeni wakhe,Ugcine amazwi akhe enhliziyweni yakho. +
23 Uma ubuyela kuMninimandla Onke, uzovuselelwa; +Uma ususa ukungalungi etendeni lakho,
24 Uma uphonsa igolide lakho othuliniNegolide lase-Ofiri + emihosheni enamadwala,
25 UMninimandla Onke uyoba igolide lakho,Abe isiliva lakho lekhethelo.
26 Khona-ke injabulo yakho iyoba kuMninimandla Onke,Uphakamisele ubuso bakho kuNkulunkulu.
27 Uyomncenga, akuzwe;Ugcwalise izifungo zakho.
28 Noma yini onquma ukuyenza iyophumelela,Kuyoba nokukhanya endleleni yakho.
29 Ngoba uyohlazeka lapho ukhuluma ngokuzikhukhumeza,Kodwa uNkulunkulu uyosindisa othobekile.
30 Uyosindisa abamsulwa;Ngakho uma izandla zakho zihlanzekile, nakanjani uyosindiswa.”
Imibhalo yaphansi
^ Noma, “kuyamjabulisa.”
^ Noma, “zezingane ezingenababa.”
^ NgesiHebheru, “izicupho zezinyoni.”
^ NgesiHebheru, “esiyingini sezulu.”
^ Noma, “abancishiselwe iminyaka yokuphila kwabo.”
^ NgesiHebheru, “umfula.”
