UMika 3:1-12
3 Ngathi: “Ngicela nizwe nina zinhloko zakwaJakobeNani balawuli bendlu ka-Israyeli. +
Akufanele yini nazi okuwubulungisa?
2 Kodwa niyakuzonda okuhle, + nithanda okubi; +Nihlubula abantu bami isikhumba, nisuse nenyama emathanjeni abo. +
3 Nidla nenyama yabantu bami, +Nihlubule isikhumba sabo,Niphule amathambo abo abe yizicucu, +Njengalokho okuphekwe ebhodweni, njengenyama esebhodweni lokupheka.
4 Ngaleso sikhathi bayocela usizo kuJehova,Kodwa ngeke abaphendule.
Uyobafihlela ubuso bakhe ngaleso sikhathi +Ngenxa yezenzo zabo ezimbi. +
5 Yilokhu uJehova akushoyo ngokumelene nabaprofethi abadukisa abantu bami, +Abamemeza bathi, ‘Ukuthula!’ + uma kukhona abakuhlafunayo *+Kodwa balungele ukulwa* nomuntu ongafaki lutho emilonyeni yabo:
6 ‘Niyoba nobusuku; + ngeke kube nambono; +Niyoba nobumnyama kuphela, ngeke nisabhula.
Abaprofethi bayoshonelwa ilanga,Nosuku luyoba mnyama kubo. +
7 Ababoni bemibono bayoba namahloni, +Nababhuli bayodumazeka.
Bonke kuyomelwe bamboze amadevu*Ngoba kungekho mpendulo evela kuNkulunkulu.’ ”
8 Kodwa mina ngigcwele amandla ngenxa yomoya kaJehova,Ngigcwele nobulungisa nezikhwephaUkuze ngitshele uJakobe ukuvukela kwakhe no-Israyeli isono sakhe.
9 Ngicela nizwe lokhu nina zinhloko zendlu kaJakobeNani balawuli bendlu ka-Israyeli, +Enizonda ubulungisa nenenza yonke into eqondile ibe egwegwile, +
10 Enakha iZiyoni ngokuchitha igazi neJerusalema ngokungalungi. +
11 Abaholi* bakhe bahlulela ngenjongo yokuthola isifumbathiso, +Abapristi bakhe bafundisa ngenjongo yokuthola imali, +Abaprofethi bakhe babhula ngenjongo yokuthola imali. *+
Nokho bancika kuJehova,* bethi:
“UJehova akekho yini phakathi kwethu? +
Akukho nhlekelele ezosehlela.” +
12 Ngakho ngenxa yenuIZiyoni liyolinywa njengensimu,IJerusalema liyoba yindunduma yamanxiwa, +Nentaba yeNdlu* iyofana nezindawo eziphakeme ehlathini. +
Imibhalo yaphansi
^ Noma, “abakulumayo.”
^ NgesiHebheru, “bangcwelise impi.”
^ Noma, “imilomo yabo.”
^ Noma, “bathi bancika kuJehova.”
^ Noma, “isiliva.”
^ NgesiHebheru, “Izinhloko.”
^ Noma, “yethempeli.”
