U-Obadiya 1:1-21
1 Umbono ka-Obadiya:*
Yilokhu iNkosi EnguMbusi uJehova ekushoyo ngo-Edomi: +
“Sizwe umbiko ovela kuJehova,Kuthunyelwe isithunywa phakathi kwezizwe:
‘Vukani, masilungele ukuyolwa naye.’ ” +
2 “Ngikwenze waba mncane phakathi kwezizwe;Udeleleke kakhulu. +
3 Ukugabadela kwenhliziyo yakho kukukhohlisile, +Wena ohlala endaweni yokucasha esedwaleni,Ohlala endaweni ephakeme, uthi enhliziyweni yakho,‘Ubani oyongehlisela phansi emhlabeni?’
4 Ngisho noma wenza indawo yakho iphakame* njengokhoziNoma ubeka isidleke sakho phakathi kwezinkanyezi,Ngiyokwehlisa lapho,” kusho uJehova.
5 “Ukube bekungafika amasela kuwe, kufike izigebengu ebusuku,(Yeka indlela obuyoqothulwa ngayo!)*
Bebengeke yini bantshontshe lokho abakufunayo kuphela?
Noma ukube bekungafika abavuni bamagilebhisi kuwe,Bebengeke yini bashiye amanye ukuze kukhothozwe? +
6 Yeka indlela u-Esawu afunisiswe ngayo!
Yeka indlela ingcebo yakhe efihliwe ecingisiswe ngayo!
7 Bakuxoshile bakuyisa emngceleni.
Bonke abangane bakho* bakukhohlisile.
Amadoda anokuthula nawe akunqobile.
Labo abadla nawe isinkwa bayobeka inethi ngaphansi kwakho,Kodwa wena uyofana nomuntu ongenakho ukuqonda.
8 Ngalolo suku,” kusho uJehova,“Ngeke yini ngibabhubhise abahlakaniphile kwa-Edomi +Nokuqonda ezintabeni zakwa-Esawu?
9 Amaqhawe akho ayokwesaba kakhulu, + Themani, +Ngoba iqhawe ngalinye ezintabeni zakwa-Esawu liyobhujiswa. +
10 Ngenxa yobudlova obenziwa kumfowenu uJakobe, +Uyohlazeka kakhulu, +Ushabalale unomphela. +
11 Ngosuku owamela ngalo eceleni,Ngosuku izihambi ezathumba ngalo ibutho lakhe, +Lapho abantu bezinye izizwe bengena esangweni lakhe benza inkatho + ngeJerusalema,Wenza ububi obufana nobabo.
12 Akufanele uluhleke usuku umfowenu ehlelwa ngalo ishwa, +Akufanele ujabule ngabantu bakwaJuda ngosuku lokushabalala kwabo, +Akufanele ubenze inhlekisa ngosuku lwabo lokucindezeleka.
13 Akufanele ungene esangweni labantu bami ngosuku lwenhlekelele yabo, +Akufanele uhleke usuku ehlelwe ngalo inhlekelele,Akufanele ubeke izandla zakho engcebweni yakhe ngosuku lwenhlekelele yakhe. +
14 Akufanele ume empambanweni yemigwaqo ukuze ubulale abaphunyukile bakhe, +Akufanele unikele ngabasindile bakhe ngosuku losizi. +
15 Ngoba luseduze usuku lukaJehova lokumelana nazo zonke izizwe. +
Indlela owenze ngayo, kuyokwenziwa ngayo nakuwe. +
Indlela ophathe ngayo abanye, nawe uyophathwa ngayo.
16 Ngoba indlela eniphuze ngayo entabeni yami engcwele,Zonke izizwe ziyoqhubeka ziphuza ngayo njalo. +
Ziyophuza ziminye,Kube sengathi azikaze zibe khona.
17 Kodwa abaphunyukile bayoba seNtabeni iZiyoni, +Iyoba ngcwele; +Indlu kaJakobe iyothatha izinto zabo. +
18 Indlu kaJakobe iyoba umlilo,Indlu kaJosefa ibe ilangabi,Indlu ka-Esawu ibe njengezinhlanga;Bayozithungela ngomlilo bazishwabadele,Akekho oyosinda endlini ka-Esawu, +Ngoba uJehova ngokwakhe ukhulumile.
19 Bayothatha iNegebhi nezintaba zika-Esawu, +Bathathe iShefela nezwe lamaFilisti. +
Bayothatha indawo ka-Efrayimi nendawo yaseSamariya, +UBhenjamini uyothatha iGileyadi.
20 Abadingisiwe bakule ndawo enesivikelo esiqinile, +Okungabantu bakwa-Israyeli, bayothatha izwe lamaKhanani kuze kufike eZarefati. +
Abadingisiwe baseJerusalema, ababeseSefaradi, bayothatha amadolobha aseNegebhi. +
21 Abasindisi bayokhuphukela eNtabeni iZiyoniUkuze bahlulele izintaba zika-Esawu, +Ubukhosi buyoba obukaJehova.” +
Imibhalo yaphansi
^ Incazelo: “Inceku KaNkulunkulu.”
^ Noma kungaba, “undizela phezulu.”
^ Noma kungaba, “Bebeyobhubhisa kangakanani?”
^ Noma, “abasesivumelwaneni nawe.”
