KUNGANI KUBALULEKILE: UMfundisi Omkhulu uJehova usinikeza imfundo engcono kunayo yonke. Usifundisa indlela esingathuthukisa ngayo ukuphila kwethu, asilungiselele ikusasa elimangalisayo—mahhala! (Isaya 11:6-9; 30:20, 21; IsAm 22:17) Ngemfundo evela kuye, uJehova uphinde asihlomisele ukuba sikwazi ukutshela abanye ngomyalezo osindisa ukuphila.—2Ko 3:5.

INDLELA YOKUKWENZA:

• Hlakulela imfanelo yokuthobeka neyokuba mnene.—IHu 25:8, 9

• Yamukela ukuqeqeshwa okutholayo kwamanje njengezabelo zabafundi zomhlangano waphakathi nesonto

• Cabanga ngezindlela ongakhonza ngazo uJehova ngokugcwele bese wenza izinhlelo ezizokusiza ukuba wenze lokho.—Fil 3:13

• Zidele ukuze ufanelekele ukuthola ukuqeqeshwa okwengeziwe.—Fil 3:8

BUKELA IVIDIYO ETHI SIBUSISIWE NGEMFUNDO EVELA KUJEHOVA, BESE UPHENDULA IMIBUZO ELANDELAYO:

• Iziphi izinkinga abanye abamemezeli abazinqoba ukuze baye eSikoleni Sabashumayeli Bevangeli LoMbuso?

• Ikuphi ukuqeqeshwa okutholakala eSikoleni Sabashumayeli Bevangeli LoMbuso?

• Amalungu ebandla aye abasiza kanjani abathweswe iziqu lapho befika esabelweni sabo esisha?

• Iziphi izimfuneko ezidingekayo ukuze ukwazi ukuya eSikoleni Sabashumayeli Bevangeli LoMbuso? (kr 189)

• Ikuphi okunye ukuqeqeshwa ongazama ukukufinyelela enhlanganweni kaJehova?