UKUPHILA NJENGAMAKRISTU
Uzosilungiselela Kanjani ISikhumbuzo?
Kusukela kulo nyaka, sizoba nesikhathi esithe xaxa sokulungiselela iSikhumbuzo sokufa kukaKristu. Lapho iSikhumbuzo siba phakathi nesonto, uMhlangano Wokuphila Nenkonzo ngeke ube khona ngalelo sonto. Lapho iSikhumbuzo siba ngempelasonto, inkulumo yeningi neSifundo se-Nqabayokulinda ngeke kube khona. Ingabe uzosisebenzisa kahle isikhathi esengeziwe kulokho okuhlelile? Njengasekhulwini lokuqala, kumelwe kwenziwe amalungiselelo alesi senzakalo esikhethekile. (Luka 22:7-13; km 3/15 1) Kodwa sonke kufanele silungise izinhliziyo zethu. Singakwenza kanjani lokho?
-
Cabanga ngokubaluleka kokuba khona eSikhumbuzweni.—1Ko 11:23-26
-
Thandaza futhi ucabange ngobuhlobo bakho noJehova.—1Ko 11:27-29; 2Ko 13:5
-
Funda futhi uzindle ngezinto ezisekelwe emiBhalweni ezikhuluma ngeSikhumbuzo.—Joh 3:16; 15:13
Abanye abamemezeli bafunda futhi bazindle ngokufundwa kweBhayibheli kwenkathi yeSikhumbuzo okutholakala encwajaneni ethi Ukuhlola ImiBhalo Nsuku Zonke. Abanye bafunda amavesi akuleli shadi elingezansi. Kanti abanye babuyekeza izihloko ze-Nqabayokulinda ezikhuluma ngeSikhumbuzo nangothando uJehova noJesu abasibonise lona. Noma ngabe yini okhetha ukuyifunda, kwangathi ingakusondeza nakakhulu kuJehova naseNdodaneni yakhe.