UKUPHILA NJENGAMAKRISTU
Ukuthuthukisa Amakhono Ethu Enkonzweni—Ukusebenzisa Imibuzo Ngokuphumelelayo
OKWENZA KUBALULEKE: Uma ‘imicabango esenhliziyweni yomuntu injengamanzi ajulile,’ okusho ukuthi imibuzo injengebhakede lokuwakha. (IzA 20:5) Imibuzo isisiza senze labo esixoxa nabo baveze imibono yabo. Izimpendulo zemibuzo ekhethwe kahle zisisiza sithole imininingwane ewusizo ngomninikhaya. UJesu wasebenzisa imibuzo ngendlela ephumelelayo. Singamlingisa kanjani?
INDLELA YOKUKWENZA:
-
Buza umbuzo owenza umuntu aveze umbono wakhe. UJesu wabuza imibuzo eminingi ukuze athole ukuthi abafundi bakhe bacabangani. (Math 16:13-16; be 238 ¶4-6) Imiphi imibuzo esingase siyibuza ezokwenza umuntu aveze umbono wakhe?
-
Buza imibuzo eholela umuntu esiphethweni esifanele. Ukuze alungise indlela uPetru acabanga ngayo, uJesu wabuza imibuzo wamnika nezimpendulo angakhetha kuzo ezaholela uPetru esiphethweni esifanele. (Math 17:24-26) Imiphi imibuzo ongase uyibuze ukuze usize umuntu afinyelele isiphetho esifanele?
-
Mncome lo oxoxa naye. UJesu wamncoma umbhali owamphendula ngendlela ‘ekhaliphile.’ (Mar 12:34) Ungase umncome kanjani umuntu ngemva kokuphendula umbuzo?
BUKELA INGXENYE YOKUQALA YEVIDIYO ETHI YENZA UMSEBENZI OWENZIWA UJESU—FUNDISA, BESE UPHENDULA IMIBUZO ELANDELAYO:
-
Kungani lesi sibonelo singeyona indlela enhle yokufundisa, ngisho noma okufundiswayo kunembile?
-
Kungani kungafanele sigcine nje ngokuchaza lokho okufundwayo?
BUKELA INGXENYE YESIBILI YEVIDIYO BESE UPHENDULA IMIBUZO ELANDELAYO:
-
Umfowethu uyisebenzise kanjani imibuzo ngendlela ephumelelayo?
-
Iziphi ezinye zezindlela zokufundisa azisebenzisayo esingazilingisa?