Ingabe uJehova uhlale ekwazi okusifanele? Impela! Njengoba sikholelwa yilokhu, sibonisa ukuthi sihlakaniphile lapho silandela isiqondiso sakhe. (IzA 16:3, 9) Noma kunjalo, ukwethemba kwethu isiqondiso sakhe kungase kuvivinywe lapho singahambisani nalokho esikucabangayo. Singakwethemba nakakhulu ukuhlakanipha kukaJehova ngokuzindla ngemisebenzi yakhe ayidalile.​—IzA 30:24, 25; Rom 1:20.

BUKELANI IVIDIYO ETHI INGABE KWADALWA? IZINTUTHWANE ZISIGWEMA KANJANI ISIMINYAMINYA? BESE NIPHENDULA LE MIBUZO ELANDELAYO:

• Zenzani izintuthwane nsuku zonke?

• Izintuthwane zisigwema kanjani isiminyaminya?

• Imiphi imithetho izintuthwane eziyilandelayo lapho zihamba abantu abangayilingisa?

BUKELANI IVIDIYO ETHI INGABE LADALWA? IKHONO LENYOSI I-BUMBLEBEE LOKULAWULA UKUNDIZA KWAYO, BESE NIPHENDULA LE MIBUZO ELANDELAYO:

• Abantu abasebenzisa izindiza ezincane babhekana naziphi izinkinga?

• Inyosi i-bumblebee iqhubeka kanjani indiza ngaphandle kokuphazamiseka?

• Abantu bangazuza kanjani ekuhlakanipheni kwemvelo kwenyosi i-bumblebee?

Ibuphi ubufakazi bokuhlakanipha kukaJehova obubonile endalweni lapho uhlala khona?