Phakathi nalezi zinsuku zokugcina, sibhekana nezilingo eziningi ezinzima. Ngezinye izikhathi, singabona sengathi izilingo esibhekene nazo zingaphezu kwamandla. Nokho, uma siqhubeka sisondela kuJehova uzosisiza sikwazi ukukhuthazelela ngisho nezilingo ezibuhlungu. (Isay 43:2, 4) Singasondela kanjani kuJehova lapho sibhekene nezilingo?

Umthandazo. Lapho sithululela isifuba sethu kuJehova ngomthandazo, uzosinika ukuthula namandla ukuze sikhuthazele.​—Flp 4:6, 7; 1Th 5:17.

Imihlangano. Manje sikudinga nakakhulu ukudla okungokomoya nokuzihlanganisa nabanye njengoba uJehova esilungiselele khona ngemihlangano yethu. (Heb 10:24, 25) Lapho silungiselela, siya emihlanganweni futhi siba nengxenye kuyo, siyazuza ngokugcwele emoyeni ongcwele kaJehova.—IsA 2:29.

Enkonzweni. Kuzoba lula ukugxila ezintweni ezakhayo uma senza konke esingakwenza ukuze sihlale simatasa enkonzweni. Singaphinde siqinise ubungane bethu noJehova nesisebenza nabo enkonzweni.​—1Ko 3:5-10.

BUKELANI IVIDIYO ETHI UJEHOVA WANGAMUKELA, BESE NIPHENDULA LE MIBUZO ELANDELAYO:

• Yini eyasiza uMalu wahlala esondelene noJehova lapho ebhekene nezilingo?

  textarea-1

• NjengoMalu, amazwi atholaka encwadini yeHubo 34:18 angasiduduza kanjani lapho sibhekene nezilingo?

  textarea-2

• Lokho uMalu abhekana nakho kusibonisa kanjani ukuthi uJehova usinika “amandla angaphezu kwavamile” lapho sibhekene nezilingo?​—2Ko 4:7

  textarea-3