UJesu wasibekela isibonelo okufanele sisilingise, ikakhulukazi lapho sibhekene novivinyo noma ushushiso. (1Pet 2:21-23) Nakuba abantu babemdelela, akazange aziphindiselele ngisho nalapho ehlushwa. (Mar 15:29-32) Yini eyamsiza wakhuthazela? Wayezimisele ukwenza intando kaNkulunkulu. (Joh 6:38) Wagxila ‘nasenjabulweni eyayibekwe phambi kwakhe.’—Heb 12:2.

Senzenjani uma siphathwa kabi ngenxa yokholo lwethu? AmaKristu angempela ‘awabuyiseli muntu okubi ngokubi.’ (Ro 12:14, 17) Lapho silingisa indlela uKristu akhuthazela ngayo lapho ehlushwa, kumelwe sijabule ngoba sisuke sijabulisa uJehova.—Math 5:10-12; 1Pet 4:12-14.

BUKELA IVIDIYO ETHI IGAMA LIKAJEHOVA LIBALULEKE KUNAKHO KONKE, BESE UPHENDULA IMIBUZO ELANDELAYO:

• Udadewethu uPötzinger * wasisebenzisa kanjani ngokuhlakanipha isikhathi sakhe lapho evalelwe yedwa ejele?

• UMfowethu noDadewethu uPötzinger bakhuthazelela kuphi ukuhlukumezeka lapho besemakamu okuhlushwa ahlukahlukene?

• Yini eyabasiza bakhuthazela?