YIBA UMSHUMAYELI NOMFUNDISI ONGCONO ENSIMINI | YIJABULELE NAKAKHULU INKONZO YAKHO
Fundisa Ngentshiseko
Intshiseko iyathelelana. Ingenza abasilale balalelisise. Ibonisa nokuthi siyawuthanda umyalezo wethu. Kungakhathaliseki ukuthi singabaluphi uhlanga noma sinobuntu obunjani, singafunda ukuba nentshiseko. (Rom 12:11) Kanjani?
Okokuqala, cabanga ngokuthi ubaluleke kangakanani umyalezo ozowusho. Siphathiswe umsebenzi ‘wokumemezela izindaba ezinhle zezinto ezinhle!’ (Rom 10:15) Okwesibili, cabanga ngomphumela omuhle izindaba ezinhle ezingaba nawo kokhuluma nabo. Kubalulekile ukuba bakuzwe lokho ofuna ukubatshela kona. (Rom 10:13, 14) Okokugcina, khuluma ngentshiseko, unyakazise umzimba ngendlela engokwemvelo nobuso bakho bubonise ukuqiniseka.
BUKELANI IVIDIYO ETHI THOLA INJABULO YOKWENZA ABAFUNDI—THUTHUKISA AMAKHONO AKHO—FUNDISA NGENTSHISEKO BESE NIPHENDULA LE MIBUZO ELANDELAYO:
-
Yini eyanciphisa intshiseko kaNonto yokutadisha iBhayibheli noMbali?
-
Yini eyasiza uNonto waphinde waba nentshiseko?
-
Intshiseko iyathelelana
Kungani kumelwe sigxile kokuhle kulabo esikhuluma nabo?
-
Intshiseko yethu ingase ibe namuphi umphumela kulabo esitadisha nabo iBhayibheli nakwabanye?
