UKUPHILA NJENGAMAKRISTU
Ukulungele Yini Ukuwa Kwezomnotho?
Akusimangazi ukubona izenzakalo zezwe zibangela ukuntengantenga kwesimo sezomnotho emhlabeni wonke. Kungani? Yingoba siphila ekupheleni kwezinsuku zokugcina futhi iBhayibheli liyasixwayisa ukuthi singathembeli “engcebweni engaqinisekile.” (1Ti 6:17; 2Ti 3:1) Isibonelo seNkosi uJehoshafati sisifundisani ngendlela yokulungela ukuwa kwezomnotho?
Lapho uJehoshafati esongelwa izizwe eziyizitha, wathembela kuJehova. (2Kr 20:9-12) Wathatha nezinyathelo ezifanele zokulungiselela isizwe impi ngokuvikela amadolobha nokubeka amabutho amasosha. (2Kr 17:1, 2, 12, 13) Nathi siyobe senza kahle uma sithembela kuJehova njengoJehoshafati nokuthatha izinyathelo ezingasisiza ukuze sibhekane nezimo ezinzima.
BUKELANI IVIDIYO ETHI INGABE UKULUNGELE UKUBHEKANA NENHLEKELELE YEMVELO? BESE NIPHENDULA LE MIBUZO ELANDELAYO:
-
Yini umuntu ngamunye angayenza ukuze alungele inhlekelele?
-
Singakulungela kanjani ukusiza abanye?
