Ave sikujabulela ukuba nencwajana nencwadi entsha yokuqhuba izifundo zeBhayibheli! Sithandazela ukuba uJehova ayibusise imizamo yethu yokwenza abafundi abaningi kunalabo esinabo manje. (Mat 28:18-20; 1Ko 3:6-9) Singawasebenzisa kanjani la mathuluzi amasha?

Njengoba le ncwadi ethi Phila Kuze Kube Phakade!, izifundo zeBhayibheli, inendlela entsha yokufundisa, landela lezi ziqondiso lapho ulungiselela nalapho uqhuba izifundo zeBhayibheli. *

• Yifundeni bese nixoxa ngemibuzo

• Fundani imibhalo ebhalwe ukuthi “fundani” bese usiza umfundi aqonde ukuthi angayisebenzisa kanjani

• Dlala amavidiyo bese nixoxa ngawo, usebenzisa noma yimiphi imibuzo ekuleyo ngxenye

• Zamani ukusiqeda sonke isifundo

Lapho usensimini, ungaqala ngokumnikeza incwajana umuntu, ukuze ubone ukuthi uyathanda yini ukufunda. (Bheka ibhokisi elithi “ Indlela Yokunikeza Umuntu Incwajana Ethi Phila Kuze Kube Phakade! Lapho Nixoxa Okokuqala.”) Uma seniqedile ukufunda le ncwajana futhi umfundi ethanda ukuqhubeka, mnikeze incwadi bese niqala esifundweni 04. Uma ubuvele ufunda nothile incwadi ethi Lingasifundisani noma incwadi ethi Zigcineni Othandweni LukaNkulunkulu, shintshela encwadini ethi Phila Kuze Kube Phakade! bese ukhetha isihloko enizoqala kuso.

BUKELANI IVIDIYO ETHI UYAMUKELWA ESIFUNDWENI SAKHO SEBHAYIBHELI BESE NIPHENDULA LE MIBUZO ELANDELAYO:

• Yini ezofundwa abafundi kule ncwadi entsha?

• Kungani kufanele sibabukise le vidiyo labo esiqalayo ukufunda nabo?

• Yimiphi imigomo ongakhuthaza umfundi kancane kancane ukuba azibekele yona futhi ayifinyelele?​—Bheka ishadi elithi “ Imigomo Nalokho Okumelwe Ugxile Kukho Engxenyeni Ngayinye”