Uyini UMbuso KaNkulunkulu?
Ingabe . . .
-
uyinto ethile esenhliziyweni yakho?
-
ufanekisela okuthile?
-
unguhulumeni osezulwini?
OKUSHIWO IBHAYIBHELI
“UNkulunkulu wezulu uyomisa umbuso ongeke neze ubhujiswe.”—Daniyeli 2:44, INguqulo Yezwe Elisha.
‘Siphiwe indodana; uhulumeni uyoba semahlombe ayo.’—Isaya 9:6; umbhalo waphansi.
LOKHO OKUNGASE KUKUSHO NGAWE
-
Kuyoba nohulumeni onobulungisa oyokwazi ukuzuza kuwo.—Isaya 48:17, 18.
-
Emhlabeni omusha ozayo, uyophila saka futhi ujabule.—IsAmbulo 21:3, 4.
SINGAKUKHOLELWA NGEMPELA YINI OKUSHIWO IBHAYIBHELI?
Yebo, okungenani ngenxa yezizathu ezimbili:
-
UJesu wakubonisa lokho okuyofezwa uMbuso kaNkulunkulu. UJesu wafundisa abalandeli bakhe ukuba bathandazele ukuba uMbuso kaNkulunkulu uze nokuba intando yaKhe yenzeke emhlabeni. (Mathewu 6:9, 10) UJesu wabonisa indlela lowo mthandazo oyophendulwa ngayo.
Ngesikhathi esemhlabeni, uJesu wondla abalambile, welapha abagulayo futhi wavusa abafileyo! (Mathewu 15:29-38; Johane 11:38-44) NjengoMbusi wesikhathi esizayo woMbuso kaNkulunkulu, uJesu wasinikeza amazwibela amahle alokho lowo Mbuso oyokwenzela abantu abangaphansi kwawo.—IsAmbulo 11:15.
-
Izinto ezenzeka emhlabeni ziqinisekisa ukuthi uMbuso kaNkulunkulu uzofika maduzane. UJesu wabikezela ukuthi ngaphambi nje kokuba uMbuso ulethe ukuthula emhlabeni, umhlaba uyogcwala izimpi, indlala nokuzamazama komhlaba.—Mathewu 24:3, 7.
Yilokho kanye esikubona namuhla. Ngakho singaqiniseka ngokuthi maduzane uMbuso kaNkulunkulu uzoziqeda zonke lezi zinkinga.
CABANGA NGALOKHU
Kuyoba njani ukuphila lapho sekubusa uMbuso kaNkulunkulu?
IBhayibheli liyawuphendula lowo mbuzo encwadini yeHUBO 37:29 naku-ISAYA 65:21-23.
Okunye Ongase Ukuthande
IZIMFUNDISO ZEBHAYIBHELI EZIBALULEKILE
Uyini UMbuso KaNkulunkulu?
Phakathi nenkonzo yakhe, uJesu wafundisa kakhulu ngoMbuso kaNkulunkulu kunanoma yini enye. Sekungamashumi eminyaka abalandeli bakhe bethandazela ukuba lowo Mbuso ufike.
INQABAYOKULINDA
Yini UMbuso KaNkulunkulu Ozoyenza?
UJesu wayazi ukuthi uMbuso kaNkulunkulu uwukuphela kukahulumeni ongakwazi ukulungisa izinkinga ezisemhlabeni. Yini esiyenziwe yilowo Mbuso eyenza siwethembe?
IMIBUZO YEBHAYIBHELI IYAPHENDULWA
Ukuthula Emhlabeni—Kuyofika Kanjani?
Funda indlela uNkulunkulu athembisa ngayo ukuletha ukuthula komhlaba ngoMbuso wakhe.
INQABAYOKULINDA
UMbuso KaNkulunkulu—Uhulumeni Ongenayo Inkohlakalo
Izici eziyisithupha zalo Mbuso zifakazela ukuthi uyohlale ungenayo nhlobo inkohlakalo.
MAYELANA NATHI
Kungani Kufanele Utadishe IBhayibheli?
IBhayibheli linikeza izigidi zabantu kuwo wonke umhlaba izimpendulo zemibuzo ebalulekile ekuphileni. Ingabe ungathanda ukuba omunye wabo?
