Ingxenye 3
Kusukela Ekukhululweni EGibhithe Kuya Enkosini Yokuqala Kwa-Israyeli
UMose wahola ama-Israyeli ebugqilini baseGibhithe aya eNtabeni iSinayi, lapho uNkulunkulu awanikeza khona imithetho yakhe. Kamuva, uMose wathuma amadoda ayi-12 ukuba ayohlola izwe laseKhanani. Ayi-10 kuwo abuya nombiko omubi. Abangela abantu ukuba bafune ukubuyela emuva eGibhithe. Ngenxa yokuntula kwawo ukholo, uNkulunkulu wajezisa ama-Israyeli ngokuba awazulise ehlane iminyaka engama-40.
Ekugcineni, uJoshuwa wakhethwa ukuba aholele ama-Israyeli ezweni laseKhanani. Ukuze awasize athathe izwe, uJehova wabangela ukuba kwenzeke izimangaliso. Wenza ukuba uMfula iJordani ume, wabangela kudilike izindonga zaseJeriko, nokuma kwelanga lingahambi usuku lonke. Ngemva kweminyaka eyisithupha, izwe lathathwa kwabaseKhanani.
Ama-Israyeli abuswa ngabahluleli iminyaka engama-356 kusukela kuJoshuwa. Sifunda ngabaningi babo kuhlanganise noBharaki, uGideyoni, uJefta, uSamsoni noSamuweli. Sifunda futhi ngabesifazane abanjengoRahabi, uDebora, uJayeli, uRuthe, uNawomi noDelila. Sekukonke, iNgxenye YESITHATHU ihlanganisa iminyaka engama-396 yomlando.
KULE NGXENYE
INDABA 36
Ithole Legolide
Kungani abantu babengafuna ukukhonza isithombe esenziwe ngamacici ancibilikisiwe?
INDABA 38
Izinhloli Eziyi-12
Izinhloli eziyishumi zisho okunye kodwa ezimbili zisho okunye okuhlukile. Ama-Israyeli akholwa bani?
INDABA 39
Induku Ka-Aroni Inezimbali
Kungenzeka kanjani ukuba induku ikhiqize izimbali, imile nezithelo ezivuthiwe ngobusuku obubodwa?
INDABA 43
UJoshuwa Uba Ngumholi
Njengoba uMose ayesenamandla, kungani kwabe sekukhethwa uJoshuwa ukuba ahole?
INDABA 44
URahabi Ufihla Izinhloli
URahabi uwasiza kanjani amadoda amabili, futhi iluphi usizo uRahabi alucelayo?
INDABA 49
Ilanga Liyama
UJehova wenzela uJoshuwa into angakaze ayenze ngaphambili futhi angazange aphinde ayenza.
INDABA 50
Abesifazane Abanesindi
UBharaki uhola ibutho lama-Israyeli empini, ngakho kungani kunguJayeli othola udumo?
INDABA 52
UGideyoni Namadoda Awu-300
UNkulunkulu wakhetha amalungu aleli butho elincane esebenzisa uhlobo lovivinyo olungavamile lokuphuza amanzi.
INDABA 53
Isithembiso SikaJefta
Isithembiso ayesenze kuJehova asithintanga yena kuphela kodwa nendodakazi yakhe.
INDABA 55
Umfanyana Ukhonza UJehova
UNkulunkulu usebenzisa uSamuweli osemusha ukuba ahambise umyalezo obuhlungu kumPristi Ophakeme u-Eli.
