INGXENYE 3
Kwakunjani Ukuphila EPharadesi?
UJehova wanikeza u-Adamu no-Eva izinto eziningi ezinhle. Genesise 1:28
UJehova wenza owesifazane wokuqala, u-Eva, wamyisa ku-Adamu ukuba abe umkakhe.—Genesise 2:21, 22.
UJehova wabadala benezingqondo nemizimba ephelele, bengenasici.
Ikhaya labo eliyiPharadesi kwakuyinsimu yase-Edene—indawo enhle kakhulu enomfula, izihlahla zezithelo nezilwane.
UJehova wayekhuluma nabo; wayebafundisa. Uma bemlalela, babezophila phakade emhlabeni oyiPharadesi.
UNkulunkulu wathi bangadli emthini owodwa. Genesise 2:16, 17
UJehova watshengisa u-Adamu no-Eva umuthi owodwa wezithelo ensimini, wabatshela ukuthi uma bedla kuwo bazokufa.
Enye yezingelosi yavukela uNkulunkulu. Leyo ngelosi embi uSathane uDeveli.
USathane wayengafuni ukuba u-Adamu no-Eva balalele uJehova. Ngakho wasebenzisa inyoka ukuba itshele u-Eva ukuthi uma edla isithelo saleso sihlahla, wayengeke afe kodwa wayezoba njengoNkulunkulu. Kwakungamanga lawo. —Genesise 3:1-5.
Okunye Ongase Ukuthande
IZIMFUNDISO ZEBHAYIBHELI EZIBALULEKILE
Kungani UNkulunkulu Adala Umhlaba?
Umhlaba wethu ugcwele izinto ezinhle. Uwubeke waqhela ngokwanele elangeni, utsheke kahle futhi urawunda ngesivinini esikahle. Kungani uNkulunkulu eye wazikhandla kangaka ukuze adale lo mhlaba omuhle kanje?
IBHAYIBHELI
UMdali Unikeza Umuntu IPharadesi
IBhayibheli lithi abantu badalwa kanjani? UNkulunkulu wabayala wathini abantu bokuqala?
