Indlela Ongazuza Ngayo Ngokugcwele Kulezi Zifundo ZeBhayibheli
Qale ufunde le ncazelo efushanisiwe, bese udlala IVIDIYO.
INGXENYE YOKUQALA
Ukuze ulungiselele isifundo ngasinye, funda ingxenye yokuqala. Imibuzo ebhalwe ngokugqamile (A) nemiBhalo (B) igcizelela amaphuzu ayinhloko. Eminye imiBhalo ibhalwe ngokuqondile ukuthi kumelwe ifundwe.
INGXENYE EPHAKATHI NENDAWO
Umusho wokuqala (C) engxenyeni ethi Funda Okwengeziwe uchaza ukuthi yini ezofundwa. Izihlokwana (D) zethula amaphuzu abalulekile. Wena nothisha wakho, fundani imiBhalo, niphendule imibuzo bese nibukela amavidiyo.
Amabhokisi athi IVIDIYO akuyisa lapho uzothola khona ividiyo ezokufundisa okwengeziwe. Amanye amavidiyo ayizindaba ezenzeke ngokoqobo. Kwamanye kulingiswa izimo ezithile ezingenzeka ekuphileni kodwa akuzona izinto ezenzeke ngokoqobo.
Bukisisa izithombe namagama ahambisana nazo (E), bese uyacabanga ukuthi ungaphendula kanjani engxenyeni ethi Abanye Abantu Bathi (F).
INGXENYE YOKUGCINA
Isifundo siphetha ngengxenye ethi Ukubuyekeza nethi Ufundeni? (G) Bhala usuku okuqedwe ngalo isifundo. Isihlokwana esithi Umgomo (H) sikunika ongakwenza ukuze uqhubeke ufunda noma usebenzisa okufundile. Esihlokwaneni esithi Hlola Okwengeziwe (I) kunezinto ezengeziwe ongazifunda noma uzibukele.
Okuphakathi
|
|
|
|
Indlela yokuthola amavesi eBhayibhelini
IBhayibheli linezincwadi ezincane ezingu-66. Lihlukaniswe laba izingxenye ezimbili: imiBhalo YesiHebheru Nesi-Aramu (“iTestamente Elidala”) nemiBhalo YamaKristu YesiGreki (“iTestamente Elisha”).
Uma kunomBhalo okhonjiwe kulezi zifundo, kubhalwa incwadi yeBhayibheli (A), kulandele isahluko (B), nevesi noma amavesi (C).
Ngokwesibonelo, uJohane 17:3 ubhekisela encwadini kaJohane, isahluko 17, ivesi 3.
Okunye Ongase Ukuthande
IMIBUZO EVAME UKUBUZWA
Siyini Isifundo SeBhayibheli Esilungiselelwe OFakazi BakaJehova?
Kulolu hlelo lwamahhala olulungiselelwe oFakazi BakaJehova, ungasebenzisa noma yiliphi iBhayibheli. Ungesabi ukumema bonke abakini nabangani ukuze bakujoyine.
