ISIFUNDO 3
Ukusebenzisa Imibuzo
Mathewu 16:13-16
OKUFANELE UKWENZE: Buza imibuzo ecatshangelwe kahle ezokwenza izilaleli zakho zifise ukwazi okwengeziwe, ziveze imibono yazo, noma ukuze ugcizelele amaphuzu abalulekile.
INDLELA ONGAKWENZA NGAYO:
-
Yenza izilaleli zakho zilangazelele ukulalela. Buza imibuzo ezokwenza izilaleli zakho zicabangisise ngephuzu oxoxa ngalo futhi zifune ukwazi impendulo yombuzo.
-
Sihlaziye kahle isihloko sakho. Siza izilaleli zakho zithole umqondo ophelele wephuzu okhuluma ngalo, ngokubuza imibuzo ezisiza zifinyelele eziphethweni ezinengqondo.
-
Gcizelela amaphuzu abalulekile. Lapho wethula iphuzu eliyinhloko, buza umbuzo ozokwenza izilaleli zakho zilalelisise. Ngemva kokuxoxa ngephuzu elibalulekile noma kokuphetha inkulumo yakho, buza imibuzo ezokhumbuza izilaleli zakho amaphuzu abalulekile.