IBHOKISI LOKUFUNDISA 7B
Izinkulumo Ezibalulekile Encwadini KaHezekeli
“Ndodana Yomuntu”
IVELA IZIKHATHI EZINGAPHEZU KUKA-90
UHezekeli ubizwa ngokuthi ‘indodana yomuntu’ izikhathi ezingaphezu kuka-90. (Hez. 2:1) Ngaleyo ndlela uJehova umkhumbuza ukuthi nakuba eye wathola amalungelo akhethekile, umane nje ungumuntu. Kuyaphawuleka ukuthi emaVangelini uJesu ubizwa ngokuthi “iNdodana yomuntu” izikhathi ezingaba ngu-80, okubonisa ukuthi weza emhlabeni engumuntu, hhayi ingelosi eyayimane izishintshe ibe nomzimba womuntu.—Math. 8:20.
“. . .Azi Ukuthi NginguJehova”
IVELA IZIKHATHI EZINGAPHEZU KUKA-50
Izikhathi ezingaphezu kuka-50 uHezekeli ubhala amazwi kaNkulunkulu athi, abantu ‘bayokwazi ukuthi nginguJehova’ okuqokomisa ukuthi uJehova uyena yedwa okufanele akhonzwe ngendlela emsulwa.—Hez. 6:7.
‘Nkosi EnguMbusi Jehova’
IVELA IZIKHATHI EZINGU-217
Inkulumo ethi ‘Nkosi EnguMbusi Jehova’ ivela izikhathi ezingaphezu kuka-217 okubonisa ukubaluleka kwegama likaNkulunkulu futhi okugcizelela ukuthi yonke indalo ingaphansi kukaJehova.—Hez. 2:4.
