INGXENYE YESIBILI
“Yindlu Yami Engcwele Enayingcolisa”—Indlela Emsulwa Yokukhonza UNkulunkulu Iyangcoliswa
IPHUZU ELIYINHLOKO: UJuda neJerusalema baziphatha kabi futhi bangcolisa ubuhlobo babo noNkulunkulu
UJehova wayewathanda futhi ewanakekela ama-Israyeli ‘njengempahla yakhe eyigugu.’ (Eks. 19:5, umbhalo waphansi) Kodwa bakhonza abanye onkulunkulu ethempelini elinegama lakhe. Yileyo ndlela abambonga ngayo uJehova! Bamzwisa ubuhlungu futhi bamhlaza. Kungani u-Israyeli onakala kangaka? Yini esingayifunda esiprofethweni sikaHezekeli esimayelana nokubhujiswa kweJerusalema? Futhi yiziphi izifundo esingazifunda ekusebenzelaneni kuka-Israyeli nezizwe ezazimzungezile?
KULE NGXENYE
ISAHLUKO 5
‘Bona Izinto Ezimbi, Ezinengekayo Abazenzayo’
UHezekeli ubona izinto ezishaqisayo ezibonisa ukuthi ubuhlobo besizwe noNkulunkulu base bonakele.
ISAHLUKO 6
‘Manje Ukuphela Kunifikele’
Isiprofetho uHezekeli ayesenza ngokoqobo sasibikezela ukuboniswa kwentukuthelo kaJehova ngeJerusalema.
ISAHLUKO 7
Izizwe ‘Zizokwazi Ukuthi NginguJehova’
Izizwe ezangcolisa igama likaJehova, zahlupha abantu bakhe futhi zenza ukuba bone, zazingeke zikwazi ukubalekela imiphumela yezenzo zazo. Sifundani ekusebenzelaneni kuka-Israyeli nalezo zizwe?
